韓脈 (帝國中心)

營業中

休息中

想食韓燒好耐,終於搵到人同我去食。呢間韓燒set menu抵食，性價比高，好適合聚餐。同埋好多韓國既小擺設,好有家既感覺,好溫暖。前菜已經好多碟,仲有鵪鶉蛋添呀,個醬汁好味道。另外仲有蛋餅,蛋味好出。叫左1隻醬油蟹,Marinate得恰到好處,爆膏加個汁好好食,跟埋紫菜飯,今次終於明點解醬油蟹係白飯小偷,送飯真係一流。燒物就叫左beef牛肋骨同埋蜂窩豬腩肉。店員幫我燒左d又幫我剪,好好服務。最中意食韓燒既牛肋骨,牛肋骨有獨特既味道同質感,而且牛味好濃郁,而豬腩肉係全豬最肥既部份,好肥美。