韓脈 (帝國中心)

尖沙咀韓國餐廳選擇多到眼花，今次試咗「韓脈」真係驚喜滿分！呢間店簡直係韓國美食萬花筒，BBQ、海鮮、醬油蟹樣樣齊，連傳統小炒同炸雞都有，一間店食盡韓國百味。餐廳裝修滿滿韓式風情一，坐底餐廳會提供多款韓式前菜任食，仲有每檯送一客韓式蒸蛋。真係韓風十足！必點一定係醬油蟹！蟹膏滿到溢出來，睇到流口水！蟹肉吸飽咗清甜醬油汁，鮮味十足，膏質綿密不油膩，拌埋香噴噴嘅紫菜飯，每粒米都吸晒蟹油同醬汁，一口飯一口蟹膏，根本停唔到口！BBQ揀咗肉眼同西冷各150g，厚切份量好足，店員會幫手烤，肉眼油脂分佈均勻，入口甘香多汁；西冷帶少少嚼勁，肉味更濃郁，蘸少少海鹽，加埋生菜同泡菜一齊食，正～意外驚喜係50cm長嘅韓式雞蛋卷，蛋卷煎得金黃鬆軟，內餡加入腸仔，蟹柳，蔬菜等材料，口感豐富又唔會太油膩，蛋香十足帶少少甜味，配埋餐廳嘅酸甜醬汁，清新解膩～飲品揀咗Blue lemon ade同Kiwi Ade，顏值高又清爽，酸甜果香中和咗烤肉同蟹嘅油膩，一口飲落好過癮！韓脈真係做到「多元化」，無論鍾意傳統韓料定創新菜式都有得揀，食材新鮮、份量實在，尖沙咀想食韓料嘅朋友，呢間絕對值得試。…查看更多

餐廳由韓國老闆開設，主打正宗韓式料理，店員多為外籍人士，能以英語介紹餐牌和推薦菜式。環境充滿韓國氛圍，從裝潢到細節都讓人感覺置身韓國，尤其生日牆貼滿客人慶生照片，感覺好溫馨。菜單選擇亦非常多元化，包括BBQ、醬油蟹、海鮮、炸雞、豬手、火鍋、石鍋飯麵等等，睇菜單都睇到眼花撩亂。烤牛腸（400g）$588近期大熱菜式所以一定要食，牛腸份量超多，建議3至4人分享。店員會即席開小火爐，先用鍋煎香牛腸，再放入蔬菜一同烤製。牛腸選用小腸部位，口感類似豬粉腸，牛味濃郁；蔬菜吸滿牛油香氣，好香口，然後此鍋牛腸好邪惡但風味獨特，令人回味，唯有之後做多啲運動跑多幾個圈抵銷一下。醬油蟹（1隻）$250呢度嘅醬油蟹以超爆膏聞名，蟹膏濃郁豐盈，配紫菜飯同食，撈勻後鮮香十足。店家選用韓國西海岸蟹製作，醬油調味亦不會過鹹，蟹膏入口鮮甜，沒有明顯腥味。若喜歡這道菜，餐廳還提供韓式醃蟹放題（$398，限時90分鐘任食），適合嗜蟹人士。50cm長韓式雞蛋卷 $158蛋卷熱辣上桌，50cm份量真係嚇了一跳，切開後有流心芝士、泡菜、蟹子、香腸和蘿蔔粒等餡料，口感軟綿香口，面層撒上木魚絲更添風味。絕對是打卡必點之選。飲品方面，Lemon Ade $48 酸酸甜甜，開胃解膩；Kiwi Ade $48 以新鮮奇異果製作，果肉豐富，清甜微酸，配搭濃味菜式非常合適。…查看更多

尖東超人氣爆紅韓式美食🍽️ 肉眼 + 西冷一次滿足牛迷味蕾 😋爆膏醬油蟹打卡必食邪惡之選 🦀 烤韓牛腸近期人氣菜 超高人氣嘅尖東「韓脈」！餐廳環境真係勁韓式，每個角落都feel到韓國氛圍～而且場地又闊落又舒服，唔怪得咁多韓國人都來食，仲有岩晒鍾意嚟打卡的你，絕對係最近熱門韓式餐廳之選！🍽️烤爐嘅秋風非常好，絕對唔會令你有油煙味👍🏻👍🏻餐廳選用高質食材，服務貼心又有水準，成個用餐體驗very good！今次我要同大家分享下今晚嘅招牌美食：✨ 首先係超豐富前菜，居然有醃製鵪鶉蛋！味道好有層次，仲有我最愛嘅芽菜同酸蘿蔔，韓式風味十足。🔥 烤韓牛腸，最近喺香港超流行～🥩 重點推介：雙拼牛肉（肉眼150g + 西冷150g）肉眼鮮嫩多汁，油花平均，食落超香口！西冷牛味濃厚、肉質結實，有咬口啱晒肉迷！兩款牛肉一次過滿足你唔同口感追求，真係食到停唔到口。🦀 超爆膏醬油蟹$250，蟹膏好濃郁，配埋牛油飯一齊食，非常邪惡又滿足，鮮味瞬間升級！🥚 韓式雞蛋餅，份量足夠又香脆，色香味俱全～🍲 韓式牛肋骨湯，服務員幫忙剪開，足料又入味，啖啖都係牛肋肉，湯底超濃郁！🥤 飲品選擇超多：推介Blue Lemon Ade、Lemon Ade、Kiwi Ade同Grapefruit Ade，全部都好清爽，食完一啲都唔膩！餐廳除咗BBQ、醬油蟹、海鮮，仲有韓式炸雞、傳統小炒、豬手、火鍋、湯、石鍋飯麵等超多元化選擇～每個胃口都滿足！不論係同朋友聚餐，情侶約會，定一家大細，韓脈都係尖東聚會食韓餐首選！有興趣一定要book位試下啦！…查看更多

平時都係去尖沙咀市中心食比較多，尖東比較少去，朋友推介去尖東韓式燒肉和醬油蟹，韓國人開同埋都好正宗，估唔到去到係好多人！一入門口就有韓國老闆娘招呼，雖然唔係好聽得明韓文，但係佢英文都唔錯，招呼你入座，會同你用英文簡單介紹餐牌和推薦菜式，選擇燒烤嘅話會俾一條一次性圍裙俾你，唔使驚整污糟啲衫。食物選擇多好多元化，除咗有set之外，仲有BBQ、醬油蟹、海鮮、炸雞、傳統小炒、湯、石鍋飯麵等等。前菜小碟超有誠意，一坐低就有成排小碟前菜，泡菜、芽菜、酸蘿蔔、鵪鶉蛋等，每款都好入味開胃，唔係得個樣，真係好食！叫咗肉眼同西冷各150g，肉質新鮮，油脂分佈靚，有店員專人代燒，唔使自己動手，輕鬆享受燒肉，配搭多款醬料、蒜片和生菜包住食，真係好韓風！醬油蟹 + 牛油飯醬油蟹係餐廳招牌，蟹膏多冇腥味。將蟹膏撈埋落牛油飯一齊食真係不得了！50cm 韓式雞蛋卷打卡一流！第一次見咁長嘅蛋卷，超長又厚身，蛋香濃郁，口感滑嫩，材料豐富，熱辣辣上枱好吸引！Blue Lemon Ade 同 Kiwi Ade 色彩夢幻，兩款都好清新，配燒肉一流食物水準高，服務貼心，有專人代燒真係加分！醬油蟹同蛋卷絕對係必點之選，價錢合理，環境舒適，下次會再嚟試埋其他菜式！…查看更多

「叮！」鐵板嗞嗞聲，韓牛油脂香噴到隔籬枱都聞到～🇰🇷 呢間尖東隱世韓料店，係一間多元化韓國餐廳, BBQ, 醬油蟹&海鮮, 炸雞, 傳統小炒, 豬手, 打邊爐, 湯, 石鍋飯麵都有，竟然仲藏住A5+級韓牛眼肉，店員仲會親自處理幫你烤肉，Service認真貼心💘！🥩【烤韓牛肉眼牛扒&西冷牛扒】眼肉入口即化似雪糕，霜降花纹靚到唔捨得食。🥹西冷帶淡淡果木香，點竹鹽食原汁原味。🙌🏻跟足韓式傳統配埋生菜包肉，解膩啱啱好！😋🦀【超爆膏醬油蟹及紫菜飯團】蟹膏多到湧出嚟！最正係佢哋嘅醬油唔會係得個死鹹🇰🇷正宗偷飯賊食法：挖一羹蟹膏+飯用紫菜捲住食，鮮味衝上腦門💥🍳【50cm長韓式雞蛋卷】長過MacBook嘅巨無霸蛋捲，係師父人手做！切開有流心芝士+泡菜+蟹子+蘿蔔粒，拉絲拉到出門口～📏💙【Blue Lemon Ade】🥝【Kiwi Ade】Tiffany藍檸檬梳打，酸酸甜甜開胃一流🤣新鮮奇異果梳打，果肉多到不得了，打卡啱晒！✨…查看更多