影片
更多
2021-08-01
68 瀏覽
今日去到太古城食韓國菜，不過唔係韓式烤肉，係類似Cafe，但係又有好多韓式嘢食嘅餐廳，都幾特別吓。佢喺H&M隔離，行過一定會望到，環境好舒服好乾淨，因為啱啱過咗下午茶時段，唔需要等位。睇餐牌嘢飲嘢食選擇都好多，見網上主要推介必食嘅係炸雞同埋蛋包飯，我哋當然唔會錯過。蜜糖炸雞，無骨，$108，半份炸雞皮脆肉嫩，炸粉唔會好厚，雞大概有7至8塊，上面有幾塊年糕，下面就有薯條，加上蜜糖嘅味，所有野都幾好味，不過朋友話之前食過甜辣味，會更好味，下次試😍韓式牛扒三文治，$188，2件上下兩塊麵包好脆，中間夾住好厚身嘅牛，牛肉比較生，怕生嘅人就要留意。牛肉冇用太多調味，原汁原味，成個三文治🥪咬落去口感都唔錯，不過價錢就略貴啦。慢煮雞胸蛋包飯，$105因為炸雞太邪惡，所以蛋包飯我哋要咗雞胸，感覺健康啲。隻蛋真係好靚，金黃色，切開好似流心咁，啲飯係炒底，加埋蛋好好味，雞胸就比較淡，我就點左啲炸雞嘅醬，好味好多🤣烤朱古力棉花糖，$78上網見好多人都食呢個棉花糖所以我哋都試吓，一上嚟果然好靚，大家爭住影相，佢上面係棉花糖同埋朱古力醬，好似花咁，下邊係消化餅碎，唔知焗幾耐，居然唔會窿又唔會溶，熱熱地，甜甜地，
佢喺H&M隔離，行過一定會望到，環境好舒服好乾淨，因為啱啱過咗下午茶時段，唔需要等位。
睇餐牌嘢飲嘢食選擇都好多，見網上主要推介必食嘅係炸雞同埋蛋包飯，我哋當然唔會錯過。
蜜糖炸雞，無骨，$108，半份
炸雞皮脆肉嫩，炸粉唔會好厚，雞大概有7至8塊，上面有幾塊年糕，下面就有薯條，加上蜜糖嘅味，所有野都幾好味，不過朋友話之前食過甜辣味，會更好味，下次試😍
韓式牛扒三文治，$188，2件
上下兩塊麵包好脆，中間夾住好厚身嘅牛，牛肉比較生，怕生嘅人就要留意。牛肉冇用太多調味，原汁原味，成個三文治🥪咬落去口感都唔錯，不過價錢就略貴啦。
慢煮雞胸蛋包飯，$105
因為炸雞太邪惡，所以蛋包飯我哋要咗雞胸，感覺健康啲。隻蛋真係好靚，金黃色，切開好似流心咁，啲飯係炒底，加埋蛋好好味，雞胸就比較淡，我就點左啲炸雞嘅醬，好味好多🤣
烤朱古力棉花糖，$78
上網見好多人都食呢個棉花糖所以我哋都試吓，一上嚟果然好靚，大家爭住影相，佢上面係棉花糖同埋朱古力醬，好似花咁，下邊係消化餅碎，唔知焗幾耐，居然唔會窿又唔會溶，熱熱地，甜甜地，好好味。
盛夏白桃梳打，$42
呢杯野好好飲，上面有啲白桃味嘅cream，但係一啲都唔漏，下邊就係梳打，啲cream唔會溶喺啲梳打度，好正。
士多啤梨沙冰，$48
朋友話呢杯嘅士多啤梨味都幾重，夏天飲啱晒。
兩杯野飲都好靚，影相一流😊
張貼
