BIG MAMA

營業中

休息中

今日同朋友試咗尖沙咀一間由阿豬媽主理，主打韓式家庭料理嘅小店，價錢親民，味道卻不馬虎！ 紫菜飯卷 ($60)飯卷餡料飽滿，醃蘿蔔同青瓜等材料爽脆，加埋雞蛋同香腸，簡單好味。石鍋牛肉拌飯 ($95)上桌時滋滋聲超治癒！牛肉醃得入味，加上流心蛋、韓式辣醬同多款蔬菜，撈勻後每一啖都香濃惹味，份量足。大醬湯 ($85)湯底濃郁鮮味，豆腐同洋蔥翠玉瓜煮到入味，仲有少量蜆肉提鮮。附送白飯一碗，撈飯好暖胃。煎餃子 ($75)外皮金黃酥脆，內餡係韓式粉絲豬肉韭菜，口感豐富。總括而言，Big mama味道正宗又夠飽肚，服務態度友善。