BIG MAMA

我自己都幾鐘意韓國野有時會唙屋企整下但呢個辣炒芝士年糕喺香港應該數一數二個拉絲堅強勁除咗年糕仲有魚板Creamy同甜辣味好香年糕軟硬度剛好啲汁會想點其他嘢食首嚐用海藻製作嘅海鮮湯膠質滿滿青口、蝦、蜆、翠玉瓜、紅蘿蔔、薯仔有營養又清新補充體力最啱店內熱茶自己斟設計現代化有雪櫃放泡菜同飲品前菜菠菜用上麻油更帶出菠菜的原味泡菜切得比較大塊甜味蓮藕正口感粉糯飯卷切得較薄身易入口餃子即叫即煎熱辣辣入面餡以粉絲為主…查看更多

我同屋企人一向都鍾意去尖沙咀食韓國野，今次幫襯呢間BIG MAMA，餐廳裝潢簡樸，食物味道好有家庭風味🏠，令人感覺親切又溫暖。入座後，餐廳會先送上韓式前菜，有泡菜、豆芽等四碟小菜，泡菜唔會太辣，帶少少酸味，非常適合香港人口味。店內仲有好多唔同款式既自家醃製韓前菜賣，睇落好吸引🤩。🐓人参雞湯一整隻雞嘅份量，雞肉嫩滑，滲透濃濃嘅人參香味，一個人都未必食得曬🦐海藻海鮮刀削麵不得不提佢既刀削麵煙韌彈牙口感一流，而且吸滿清甜鮮美既海鮮湯底，飲落非常滋味。…查看更多

今日放lunch去咗間地道餐廳食韓國菜，佢門面唔算好光鮮，所以平時行過都冇太留意，但就有一種地道韓國菜嘅感覺，今次見到唔使等位就俾個機會佢，裏面全部都係韓國人，所以真係地道菜嚟。🍲 海鮮辣豆腐湯 $79一上枱仲滾緊，豆腐滑嘟嘟，少少辣，送撈飯食簡直無敵。🍜 水冷麵 $75熱到溶嘅天氣，真係好想食水冷麵，佢既麵質幾彈牙，湯底冰涼帶少少甜酸，加埋梨絲同青瓜，食完成個人都涼晒🦀 香炒辣蟹 $60餐廳有好多醃製嘅韓國小食，見到有個辣蟹，所以揼到特別叫左試試，蟹仔炸到脆卜卜，辣醬甜甜哋超惹味，送酒一流。唔使飛韓國都食到咁地道，開心！ 金巴利道隱世小店，路過不妨試…查看更多

星期五放工去韓國街搵食，見到呢間走簡約風嘅小店都幾受歡迎，就入去試吓。小店似真係韓國大媽主理，見到有好多韓式泡菜前菜可以買走，好有韓國家庭式小店嘅感覺。海鮮辣豆腐湯 $85呢個好好餸飯，湯好惹味，辣辣哋之餘仲有一啲大蒜蒜頭嘅香氣，豆腐好滑入晒味，海洋有大蝦同蜆，仲有隻流心蛋，伴飯一流。石鍋雞飯 $95我最鍾意食石鍋拌飯，材料豐富，有肉又有多款蔬菜，伴入蛋液，熱辣辣加上韓國辣椒醬好好味。食到最後有少少飯焦，如果石鍋再熱啲飯焦更加脆就仲好。辣炒年糕 $70呢個簡單又好食，食到唔停口，年糕入味，軟腍煙靭，魚糕沾上醬汁食，又係好惹味。紫菜包飯 $60紫菜包飯令人不知不覺食咗好多飯，哈哈。材料簡單，有韓式香腸、蛋、醃蘿蔔同埋一啲青瓜、紅蘿蔔絲，用紫菜包住一齊食就係正。…查看更多

呢間韓國餐廳走平實路線，有韓國家庭式小店感覺，每次買小菜都會去呢d傳統小店，通常都會比較正宗同好食今次呢間Big Mama 大部份菜式都係$100以下，性價比不錯小菜有4款：菠菜、豆芽、生泡菜和椰菜花。最喜歡生泡菜新鮮，口感爽脆。韓式牛肋骨湯 $110牛肋骨煲得夠軟腍，骨同肉輕鬆分離，肉味香濃。湯頭雖然清但富濃香牛骨味，送飯一流。石鍋牛肉飯石鍋熱焫焫，配料有芽菜、菠菜、紅蘿蔔絲、椰菜絲同半熟蛋，好鍾意叫石鍋飯，多蔬菜夠健康。石鍋飯本秒口味偏淡，可自行加韓式辣醬調味，我仲會加少少生泡菜，令味道更有層次。水冷麵 $92麵質煙韌彈牙，可以自行落醋同芥末調味，夏天三十幾度食水冷麵真係好清涼消暑，好爽！…查看更多