瀛鍋

營業中

休息中

上星期好友生日，一行八人有人想食日本嘢，有人想打邊爐坐耐啲，有朋友介紹去瀛鍋。當日是周末，但人唔多，店員帶了我們上二樓坐房，房間一般大小，樓底都算矮，但勝在夠乾淨。店員見我們未來過，於是問我們大約想吃多少錢，可由佢發板。由於朋友生日，想食好啲，所以話五佰蚊咗右。個經理話包喺佢身上。首先上場的是多款小食，最好的是椒鹽三文魚同芥辣八爪魚，麻辣鴨舌一般般，炸魚角都唔錯。然後是每人半隻奄仔蟹，好多羔呀！然後再上咗一大盤剌身併盤，有勁厚三文魚，象拔蚌，帶子，鮑魚，海膽。好新鮮！仲有一款龍蝦仔，好特別未見過，味道新鮮但唔係個個鐘意。跟著來了兩個鍋底，一個豆腐魚湯，一個胡椒豬肚。經理叫我們先飲碗魚湯，真係勁好味，飲咗兩碗，真係未打邊爐已經飽咗。打邊爐食咗兩款牛肉，水蛟，海蝦同蟶子都唔錯。啲菜出奇地新鮮。食埋水果同甜品，真係大滿足埋單每人六佰，因飲咗的啤酒汽水。服務員很欣勤人，友人都説會再來！