影片
更多
2025-04-14
106 瀏覽
《串カツ専門店 - 銅鑼灣》估唔到香港都食到咁正宗既九州牛腸鍋😍近年多左人去福岡旅行，個個都話牛腸鍋好好食好guilty，去旅行的話一定要試🥹咁未去到旅行🧳就不如去居酒屋食住先啦🤣餐廳六點半已經開始多客人，好大部份仲要係日本人添，店員入面都有幾位係日本人來的，所以頓時覺得自己好似去左轉日本咁呀🥰餐廳既野食都有好多選擇，即叫即整，基本上枱枱都會叫一客牛腸鍋同埋啤酒🍻超有氣氛💁🏻♀️新名物！吉列大蝦 $78如果你鍾意食可樂餅，咁呢一個吉列大蝦就一定超出你期望🥰佢係用咗製作可樂餅嘅方式，用肉餅包住大蝦再製作吉列蝦餅，超級酥脆好食👍🏻而且勁大嚿，一個人食一件會好飽肚，推介👍🏻💁🏻♀️煙肉薯仔沙律伴山葵忌廉最中餅 $38又係居酒屋必叫嘅薯仔沙律，不過呢一個係用咗最中餅包住薯仔沙律，上面再淋滿少少芥末味味道嘅沙律醬，食落好惹味同埋好有層次感👍🏻送酒食一流💁🏻♀️明太子煙肉薯仔沙律最中餅 $38同頭先山葵忌廉最中餅一樣，裏面都係包住咗煙肉薯仔沙律，不過今次個醬汁就轉咗做明太子忌廉，同樣都係好滑溜，好惹味👍🏻💁🏻♀️小鍋三文魚/三文魚子飯 $158呢一度嘅名物之一，店員會用Gas爐同砂鍋即場喺你面前烹
估唔到香港都食到咁正宗既九州牛腸鍋😍近年多左人去福岡旅行，個個都話牛腸鍋好好食好guilty，去旅行的話一定要試🥹咁未去到旅行🧳就不如去居酒屋食住先啦🤣餐廳六點半已經開始多客人，好大部份仲要係日本人添，店員入面都有幾位係日本人來的，所以頓時覺得自己好似去左轉日本咁呀🥰餐廳既野食都有好多選擇，即叫即整，基本上枱枱都會叫一客牛腸鍋同埋啤酒🍻超有氣氛
💁🏻♀️新名物！吉列大蝦 $78
如果你鍾意食可樂餅，咁呢一個吉列大蝦就一定超出你期望🥰佢係用咗製作可樂餅嘅方式，用肉餅包住大蝦再製作吉列蝦餅，超級酥脆好食👍🏻而且勁大嚿，一個人食一件會好飽肚，推介👍🏻💁🏻♀️煙肉薯仔沙律伴山葵忌廉最中餅 $38
又係居酒屋必叫嘅薯仔沙律，不過呢一個係用咗最中餅包住薯仔沙律，上面再淋滿少少芥末味味道嘅沙律醬，食落好惹味同埋好有層次感👍🏻送酒食一流
💁🏻♀️明太子煙肉薯仔沙律最中餅 $38
同頭先山葵忌廉最中餅一樣，裏面都係包住咗煙肉薯仔沙律，不過今次個醬汁就轉咗做明太子忌廉，同樣都係好滑溜，好惹味👍🏻
💁🏻♀️小鍋三文魚/三文魚子飯 $158
呢一度嘅名物之一，店員會用Gas爐同砂鍋即場喺你面前烹調，製作個方式有啲似煲仔飯咁樣，生米煮成熟飯，再放入不同嘅配料攪拌均勻，由於用砂鍋煮飯嘅關係，所以食到最底會有飯焦，日本人店員介紹我哋落少少味噌為個飯調味，雖然佢唔係好濃味嘅一道菜式，但係配合咗三文魚子同三文魚肉之後會食到好鮮嘅海鮮味
💁🏻♀️博多明太子牛腸鍋（味噌湯底）$348
當日嘅重點當然係呢一個博多名物牛腸鍋啦😍想食好耐㗎啦，呢一個鍋其實都幾大份，兩個人點一個鍋再叫麵食一定夠飽😌除咗牛腸之外，個鍋入面仲有明太子、韭菜、大量芽菜同埋椰菜，鍾意食濃味的話可以揀味噌湯底，越煮會越香濃，啲牛腸煮得耐會更加入味好食😍怪唔得知啲人咁鍾意最後加一個麵啦，因為經過煲煮之後成個湯充滿牛腸味道，肥美有油香💁🏻♀️冰凍蜜糖麒麟啤酒 $68
雖然都唔係啲咩新鮮嘢，但係而家越來越少地方有得飲呢個啤酒沙冰😍其實就即係喺麒麟啤酒上面再加用啤酒製作嘅沙冰，今次我就揀咗蜜糖口味，飲落甜甜地，但係個重點其實係上面嗰啲啤酒沙冰，飲到最尾都唔會溝到杯啤酒淡味咗，仲可以保持冰凍添，除咗有呢一款冰凍啤酒之外，呢度嘅麒麟draft beer 都係$58一杯😍食咁濃味嘅嘢當然要飲啤酒啦😌超滿足
張貼
