日籍廚師主理，大阪炸串專門店，新派和食，菜式組合充滿新意，麻辣入饍，芝士誘惑，令人心生好奇，不得不多點幾款。前菜兩款 $30店員送上六小碟，咁多！原來每人可以揀一款。我選了牛腱及香菇，家常味道，稱職的前菜。魚肝配土佐酸醬 $78我非常喜歡吃魚肝，尤愛那豐富粉糯的口感，入口即化，這裏配合酸度適中的土佐酸醬啫喱，食落全無滯感，反而令我更開胃，非常合拍。焦糖鵝肝伴多士 $108鵝肝一面塗上焦糖，燒至脆卜卜，倍增口感；鵝肝煎至剛熟，軟脆對比明顯，再配合多士，口感一流！炸串： $48帆立貝 $28蝦 $48沙椎魚 $26蘆筍豬肉卷 $26來到專門店，沒有理由不吃串揚。酥脆不膩，炸漿薄，材料新鮮，點了五款，各有風味。配備特色醬汁及生菜。明太子芝士玉子燒 $98日本師傅坐鎮的玉子燒絕對冇得輸！首先賣相漂亮，一大塊長形厚底磚頭，金黃亮麗，兩端微焦，中層藏著色澤鮮紅的明太子，切開見混合了半溶芝士，緩緩流出，對比青蔥的綠。入口香滑，層次豐富，頗飽肚。特製海蝦紅油炒手 $88日本料理都有紅油炒手！又做得幾好喎！雲吞皮薄蝦大粒，口感順滑，有蝦有肉的香，紅紅的辣椒油，其實很溫和，唔算好辣。超濃厚！自家製炸卡邦尼奶球 $88唔講仲以為是甜品，炸奶球真有創意，把卡邦尼的火腿雞蛋忌廉汁藏在酥炸奶球內，外脆內軟，很美味。初秋·和牛·栗子·野菌釜飯 $268 坐在吧枱，近距離看着在煮釜飯冒出的蒸氣，飯香撲鼻，怎可以忍得着不點一份呢？時令的和牛栗子野菌最好不過，和牛粉嫩半熟，黑松露醬非常香，米飯飽滿光澤，更有飯焦。位於商廈的店舖面積不大，氣氛熱鬧，運作暢順有效率，員工禮貌，食物唔錯，價錢合理，值得再訪。小店亦有推廣清酒放題，好酒之人的佳訊。 #串カツ専門店 #銅鑼灣 #日本菜 日本清酒…查看更多
一坐低店員就拎住三款前菜叫我地每人揀一款，點知去到埋單先發現原來前菜每人收左$20， 我唔介意比$20 食個前菜，但如果佢叫我地揀嘅時候同我地講聲會感覺好啲燒牛舌燒得好唔均匀，有啲燒到好韌，咬橡膠咁，有啲就唔多夠熟安康魚肝- 不過不失煙肉薯蓉- 自己整仲好食。。。。 又凍又無味道牛腸鍋依個牛腸鍋經典，就咁睇相好靚咁，其實啲牛腸只有面個層，下面全部係椰菜同芽菜，無其他料， 絕對唔值$398，啲牛腸煮到好靭，又係咬唔爛，店員有叫我地湯滾之後一分鐘要即刻夾起，我地已經按照佢指示去做 都係咁，啲牛腸好快夾起又要即刻食 如果唔係就凍曬
要食得好急 會唔會考慮牛腸另上 等食客自己落啊最後，我地坐係bar 枱位置，正對住厨房睇住佢地燒串燒，食牛腸鍋個陣見supoose 係有店員serve, 但我個位置就完全無service, 自己serve 自己，食得好狼狽，食完餐飯之後仲要全身都係油煙味
