Gyutan Toku牛舌專門店

營業中

休息中

非常之有水準既日式燒牛脷朋友飯聚，揀左呢間係土瓜灣既舖頭，開頭聽到話間野係土瓜灣都有少少覺得唔方便覺得係好吊腳。再諗一諗先醒起依家屯馬線包埋土瓜灣。港島過去都好方便好快就到。間舖頭唔算大，正常日式裝修。我地叫左極上牛舌定食、熟成牛舌定食、唐揚墨魚同埋鹽燒白燒。定食都係叫 1.5 倍既份量。唐揚墨魚好味，又香口又夠脆，墨魚新鮮無雪味，只係份量少左啲。鹽燒白鱔燒得好好，皮脆多汁，肉質彈牙，個人覺得係個味淡左少少。主角既牛舌定食超好味，好有水準，因為舖頭係用牛脷芯黎做食材，爽口彈牙香口，沾唔沾醬汁黎食都好好味。配埋白飯…一啖牛脷一啖飯，正呀！