影片
更多
2023-12-11
156 瀏覽
約個朋友出黎傾下偈，到左佢屋企附近的雲川百味，之前食過覺得佢湯底唔錯。是日下午四點黎到，終於唔使等位，呢度幾乎由朝到晚都一位難求😂⭐韮菜水餃墨魚餅酸辣湯米線朋友點了酸辣湯米線，要微辣，試左一啖佢碗湯底，微辣真係一啲都唔辣，酸酸地幾好味。水餃大大隻好飽滿，墨魚餅彈牙，整體不俗。⭐豬大腸蘿蔔麻酸樂金湯米線自己就要左金湯，呢款湯底帶麻同酸，叫左小辣剛剛好，湯底很鮮味😋餸方面叫左大腸蘿蔔，朋友戲稱做車仔麵😆大腸入味蘿蔔淋甜，實屬高質。⭐椒鹽雞軟骨仲加左份小食炸雞軟骨，喔喔脆口感好正，雖然望落係深色啲，但無炸過火㗎。⭐凍檸茶 & 凍檸賓檸茶走甜啱口味，朋友話好耐無飲過利賓納就叫左杯凍檸賓，沖得夠濃有誠意。坐到五點左右又開始爆場了，讓返張枱出黎先😆
是日下午四點黎到，終於唔使等位，呢度幾乎由朝到晚都一位難求😂
⭐韮菜水餃墨魚餅酸辣湯米線
朋友點了酸辣湯米線，要微辣，試左一啖佢碗湯底，微辣真係一啲都唔辣，酸酸地幾好味。水餃大大隻好飽滿，墨魚餅彈牙，整體不俗。
⭐豬大腸蘿蔔麻酸樂金湯米線
自己就要左金湯，呢款湯底帶麻同酸，叫左小辣剛剛好，湯底很鮮味😋餸方面叫左大腸蘿蔔，朋友戲稱做車仔麵😆大腸入味蘿蔔淋甜，實屬高質。
⭐椒鹽雞軟骨
仲加左份小食炸雞軟骨，喔喔脆口感好正，雖然望落係深色啲，但無炸過火㗎。
⭐凍檸茶 & 凍檸賓
檸茶走甜啱口味，朋友話好耐無飲過利賓納就叫左杯凍檸賓，沖得夠濃有誠意。
坐到五點左右又開始爆場了，讓返張枱出黎先😆
張貼
