影片
更多
2022-06-01
292 瀏覽
網上面見人黎到呢間omakase打咭，有個無敵海景，見個價錢都合理今晚就黎試下～我地收工過黎都未黑，可以見到少少日落。餐廳座位唔多，一行bar枱大約10個位，一邊係sushi omakase一邊係鐵板燒，俾到食客好好嘅席前體驗。今晚主理sushi omakase嘅係柱師傅，四季酒店出身嘅佢非常健談，言談之間聽得出佢對食材運用好有心得，知道點樣用簡約嘅調味帶出魚生嘅天然鮮味。沙律睇落簡單，但自家醃嘅三文魚子好有驚喜，完全冇腥味之餘有淡淡酒香。刺身有兩款，薄切嘅伊左目魚配上河豚蔥同埋辛味蘿蔔蓉，味道清新；春鯛魚以花入饌，炙燒過嘅魚皮啲油脂更香，加埋牛奶味日本粟米平衡得好好。食壽司之前師傅為我地準備咗四款漬物，白蘿蔔微甜爽口，蕎頭紅酒味突出，薑苗同牛蒡味道都唔錯。壽司總共有7貫，包括深海池魚、黑鯥魚、魷魚、金目鯛、三文魚子飯、吞拿魚同埋大拖羅。最深刻係金目鯛，配咗北海道黃上海膽，好似加咗個好creamy嘅醬咁，好鮮味～～食完壽司等多陣就有餐廳嘅招牌豆腐鯛魚湯，味道鮮甜，飲得出真材實料～最後嘅甜品都好有驚喜，柚子雪芭味道清新，黑芝麻雪糕香濃幼滑，食完好滿足～
我地收工過黎都未黑，可以見到少少日落。
餐廳座位唔多，一行bar枱大約10個位，一邊係sushi omakase一邊係鐵板燒，俾到食客好好嘅席前體驗。
今晚主理sushi omakase嘅係柱師傅，四季酒店出身嘅佢非常健談，言談之間聽得出佢對食材運用好有心得，知道點樣用簡約嘅調味帶出魚生嘅天然鮮味。
沙律睇落簡單，但自家醃嘅三文魚子好有驚喜，完全冇腥味之餘有淡淡酒香。
刺身有兩款，薄切嘅伊左目魚配上河豚蔥同埋辛味蘿蔔蓉，味道清新；春鯛魚以花入饌，炙燒過嘅魚皮啲油脂更香，加埋牛奶味日本粟米平衡得好好。
食壽司之前師傅為我地準備咗四款漬物，白蘿蔔微甜爽口，蕎頭紅酒味突出，薑苗同牛蒡味道都唔錯。
壽司總共有7貫，包括深海池魚、黑鯥魚、魷魚、金目鯛、三文魚子飯、吞拿魚同埋大拖羅。
最深刻係金目鯛，配咗北海道黃上海膽，好似加咗個好creamy嘅醬咁，好鮮味～～
食完壽司等多陣就有餐廳嘅招牌豆腐鯛魚湯，味道鮮甜，飲得出真材實料～
最後嘅甜品都好有驚喜，柚子雪芭味道清新，黑芝麻雪糕香濃幼滑，食完好滿足～
張貼
