Kyoto Joe (已改名) 查看

今日好開心去左中環~ Kyoto Joe ~食晚飯，餐廳裝潢有氣派，天花板個燈原來係餐廳名。餐廳係23樓，看到中環既景色🌌，仲睇到維多利亞港既海景。😍咁好Feel 點少得飲啲酒，獺祭四割五分，入口甘香，滿滿米香花香。🍶Spicy Toro Cracker紫菜米餅載住吞拿魚蓉配雜菜天婦羅，加上廚師秘制醬汁，口感超豐富，又好美。特上刺身拼盤 刺身有鱲魚薄切、伊佐木、螺、牡丹蝦、凡立貝同拖羅，樣樣新鮮，我肥妹仔梗係最鐘意肥美既拖羅。黑松露汁三文魚卷卷住熟既三文魚同洋蔥，卷物面既醬汁充滿松露香，yummy.日式餃子餡餡肉係豬肉同原隻蝦，餃子都有少少松露香，幾特色。雜錦天婦羅拼盤鱈魚、星鰻、紫薯、黃薯、冬菇、紫蘇 蝦，餸酒一流。燒物 宮崎穀飼和牛，激發哂啲牛油脂出黎，牛香十足。煙肉荔枝串，原來加荔枝係隱藏食譜，第一次食，多謝店員既推介🫶。銀雪魚西京燒，好厚肉😍，肉質好滑。呢度有週未日式Brunch放題，望望餐牌已經覺得超吸引，黎緊呢個星期仲有優惠添，呢度啲野食又咁高質，都幾抵食。