影片
更多
2024-01-11
21 瀏覽
餐廳位於天后 環亨既頂樓, 一入去已經見到一大片維港海景, 然後係大約可以容納10人左右既吧枱, 當晚雖然係平日但仍然full house, 建議大家去之前book定位.「宴」Dinner special set $1380/位季節前菜 - 靜岡蕃茄｜鱈魚白子蕃茄清甜多汁, 完全唔酸, 而鱈魚白子亦非常飽滿, 口感綿密柔滑.真蠔係嚟自岩手縣既令和怪物生蠔, 夠大隻之餘仲夠爽口, 師傅特別用上自製柚子啫喱, 令味道更加清新.季節刺身 - 油金魚腩 ｜梭子魚刺身油金魚腩非常厚身、肥美, 魚肉緊緻滑嫩. 梭子魚經過炙燒後, 令到表皮馥郁既魚油徹底發揮,鮨香十足.燒右口魚邊身金槍魚腩手卷上層係金槍魚腩, 中層係炙燒過既右口魚邊, 底部則用左烤鱈魚乾代替一般紫菜, 令到口感更加豐富更有層次.鐵板沙巴虎蝦師傅將蝦膏整成醬汁, 舖係蝦面, 所以入口時蝦既鮮味連帶蝦膏香味係口中化開, 而蝦頭則煎至薄脆, 同蝦肉口感形成對比之餘, 又可以令成隻蝦每一部分都能夠充分利用完全無浪費.帆立貝配鮮海苔用上海苔木魚清湯搭配鐵板帆立貝, 而且帆立貝熟度剛好, 外面稍稍焦香內裏軟滑, 再加上面頭既三文魚子, 令整道菜
「宴」Dinner special set $1380/位
季節前菜 - 靜岡蕃茄｜鱈魚白子
蕃茄清甜多汁, 完全唔酸, 而鱈魚白子亦非常飽滿, 口感綿密柔滑.
真蠔
係嚟自岩手縣既令和怪物生蠔, 夠大隻之餘仲夠爽口, 師傅特別用上自製柚子啫喱, 令味道更加清新.
季節刺身 - 油金魚腩 ｜梭子魚刺身
油金魚腩非常厚身、肥美, 魚肉緊緻滑嫩. 梭子魚經過炙燒後, 令到表皮馥郁既魚油徹底發揮,鮨香十足.
燒右口魚邊身金槍魚腩手卷
上層係金槍魚腩, 中層係炙燒過既右口魚邊, 底部則用左烤鱈魚乾代替一般紫菜, 令到口感更加豐富更有層次.
鐵板沙巴虎蝦
師傅將蝦膏整成醬汁, 舖係蝦面, 所以入口時蝦既鮮味連帶蝦膏香味係口中化開, 而蝦頭則煎至薄脆, 同蝦肉口感形成對比之餘, 又可以令成隻蝦每一部分都能夠充分利用完全無浪費.
帆立貝配鮮海苔
用上海苔木魚清湯搭配鐵板帆立貝, 而且帆立貝熟度剛好, 外面稍稍焦香內裏軟滑, 再加上面頭既三文魚子, 令整道菜鮮上加鮮
香煎鵝肝配藍莓醬
師傅特別用上自家製藍莓醬嚟配搭鵝肝, 比起一般黑醋醬無咁酸, 多左份果香,令味道更升華.
鐵板厚切美國牛柳
師傅有事先詢問牛柳想要幾成熟,我地order左5成, 而佢亦將熟度掌握得剛剛好, 令牛柳入口時仍然可以保持肉汁, 肉質亦維持軟腍.
黑松露蟹肉炒飯
餐廳特別使用原粒黑松露, 將佢卜碎後再用嚟炒飯, 而唔係用松露醬, 所以松露香比一般更為濃郁, 非常好味.
炒什菜
用餐廳秘製脆脆醬嚟炒, 非常惹味
甜品 - 抹茶布丁｜蕨餅
甜品一啲都唔hea仲好高質,布丁既抹茶味極濃郁又唔會太甜, 而且口感順滑, 蕨餅亦都好好味.
張貼
