影片
更多
2022-11-18
26 瀏覽
呢間位於天后嘅鐵板燒店「宴」，有無敵大海景，可以邊欣賞師傅為我哋烹調美食之際，亦可以欣賞維港迷人嘅景色。而佢哋嘅lunch set嘅CP值好高所以你睇係full 晒！勁誇張 我去嗰個日只係星期一咋Lunch Special Menu鮟鱇魚肝多士：依家鮟鱇魚當造，所以特別肥美，佢嘅肝有如鵝肝嘅口感，無鵝肝咁膩，配多士食別具一番風味。季節刺身 （2 款）鰹魚同埋油甘魚刺身：用厚切方法，食落口感令人好滿足，魚肉夠哂新鮮，鮮甜味美。本日精選壽司(2款)：赤鯥壽司同埋中拖羅壽司，赤鯥魚味頗濃，好啱配壽司飯一齊食，而中拖羅嘅油脂同肉比例均勻，所以食落口都有入口即化，但亦食到有濃郁嘅魚味，係令人好有驚喜。香煎鵝肝伴藍莓醬：鵝肝油香四溢，未食都聞到勁香，口感Creamy，配埋清新嘅藍莓醬可以消減鵝肝嘅油膩感。野生大虎蝦：虎蝦勁大隻，野生嘅關係肉質較其他嘅更結實同彈牙，燒得好香，尤其蝦膏方面，蝦味十足，配埋檸檬或酸甜醬食可以更突出蝦肉嘅鮮甜。香草牛油帆立貝：呢度嘅帆立貝同嘅係刺身級，所以新鮮度好有保證，香草同牛油係帆立貝最佳嘅配搭，而且呢度仲會加埋清酒嘅湯汁同埋自家製嘅三文魚籽漬，味道變得十分豐寰宇。美
而佢哋嘅lunch set嘅CP值好高
所以你睇係full 晒！勁誇張 我去嗰個日只係星期一咋
Lunch Special Menu
鮟鱇魚肝多士：依家鮟鱇魚當造，所以特別肥美，佢嘅肝有如鵝肝嘅口感，無鵝肝咁膩，配多士食別具一番風味。
季節刺身 （2 款）鰹魚同埋油甘魚刺身：用厚切方法，食落口感令人好滿足，魚肉夠哂新鮮，鮮甜味美。
本日精選壽司(2款)：赤鯥壽司同埋中拖羅壽司，赤鯥魚味頗濃，好啱配壽司飯一齊食，而中拖羅嘅油脂同肉比例均勻，所以食落口都有入口即化，但亦食到有濃郁嘅魚味，係令人好有驚喜。
香煎鵝肝伴藍莓醬：鵝肝油香四溢，未食都聞到勁香，口感Creamy，配埋清新嘅藍莓醬可以消減鵝肝嘅油膩感。
野生大虎蝦：虎蝦勁大隻，野生嘅關係肉質較其他嘅更結實同彈牙，燒得好香，尤其蝦膏方面，蝦味十足，配埋檸檬或酸甜醬食可以更突出蝦肉嘅鮮甜。
香草牛油帆立貝：呢度嘅帆立貝同嘅係刺身級，所以新鮮度好有保證，香草同牛油係帆立貝最佳嘅配搭，而且呢度仲會加埋清酒嘅湯汁同埋自家製嘅三文魚籽漬，味道變得十分豐寰宇。
美國頂級牛肉：嚟自美置嘅頂級牛肉，燒之前經已見到牛肉嘅雪花分佈得好均勻，油脂香味撲鼻，食落有好濃嘅肉味，無平時食嘅和牛咁油膩，而且佢哋仲可以揀用厚燒或者薄燒方法處理。
鐵板炒飯配海帶面豉湯：炒飯炒得好乾身，入面用咗香脆口感嘅櫻花蝦，啖啖飯都可以食到櫻花蝦，令每啖飯都帶有陣陣蝦嘅鮮味。
炒什菜：食咗一整餐嘅肉，可以食返啲菜清一清。
張貼
