宴．鐡板燒 (亨環‧天后)

營業中

休息中

朋友生日今日帶佢黎呢到，對住個靚景享受我地嘅午餐。我地選擇左special menu，有刺身同鐵板燒。季節前菜鰹魚汁菠菜，菠菜幼嫩多汁，加上鰹魚絲增加口感。季節刺身深海池魚王;厚切口感結實。中拖羅;入口即溶，油脂分怖平均。精選壽司地金目鯛；肉質嫩滑，鮮甜。右口魚；師傅係炙燒過，好香，油脂豐富。香草牛油帆立貝帆立貝厚肉鮮甜，加左香草牛油汁味道更香濃。野生大虎蝦有三個食法，師傅叫我地首先食原味，第二唧少少檸檬汁，第三係沾海鮮醬，虎蝦大隻新鮮，肉質爽口彈牙，蝦頭仲有膏嫁。香煎鵝肝伴藍莓醬入口即溶，加上烤到香脆嘅麵包和酸甜嘅藍莓醬，超級好味。米國頂級牛肉香濃牛肉味，肉質嫩滑，旁邊有炸左嘅獨子蒜和洋葱沙律。鐵板炒飯配海帶麵豉湯炒飯粒粒分明，加左大量樱花蝦，咸咸地幾惹味。