火土燒肉

估唔到食燒肉都會有主題! 之前碌ig已經勁想去E間以露營為主題嘅燒肉店, 一直都想去打打卡食好西! 今晚終於約到朋友仔陪車車食! 餐廳環境十分大好闊落, 整個環境好有露營感覺, 牆身更掛上唔同嘅露營工具, 真心正! 店員安排左車車坐係卡位嘅位置, 旁邊放有露營用嘅餐具, 裝備等等, 點影都會好睇嘅"道具"!⭐巨峰提子可思必思⭐燒肉拼盤燒肉拼盤包括有牛肋肉，牛舌，牛腹胸，豚肋條，豚五花，雞腿肉, 相當豐富, 調味剛好唔會過咸, 肉質軟嫩唔嚡口, juicy好好味!⭐牛油燒廣島蠔燒廣島蠔鮮味十足, 蠔味濃郁又爽口⭐️蜆蜆肉大粒無沙, 鮮甜味美⭐杏鮑菇估唔到杏鮑菇都搽左少許醬汁, 食落更惹味⭐菠蘿食燒肉又點會唔叫菠蘿, 食落香甜無渣又唔酸, 車車都食左好多碟⭐日本蟹肉忌廉餅見到E款炸物好吸引, 忍唔住都點埋, 外脆內軟, 咬落去熱辣辣, 滿滿嘅蟹肉忌廉, 超正的說!⭐鰹魚湯讚岐鳥冬習慣食燒肉點都要食番d澱粉質嘅車車今次就點左碗鰹魚湯讚岐鳥冬, 鰹魚湯清清地, 味帶鮮香, 上面嘅油揚腐皮吸哂d湯汁, 超邪惡, 食完成個人暖笠笠好滿足!