火土燒肉

今晚黎到呢間以camping做主題嘅日式燒肉店，之前已經上嚟試好耐，一入到去簡直話一聲我俾佢啲佈置同埋用具嚇一嚇，因為真係好似camping緊咁🥢鹽醬椰菜呢碟椰菜睇落簡單，但真係幾開胃。鹽醬唔會太鹹，好重麻油味，食落非常爽口。食燒肉之前嚟啖呢個，幾清新，啱啱好可以準備個胃。🥢全牛特選拼盤拼盤真係幾吸引，唔同部位一次過試晒。A5宮崎牛三角腹肉呢塊肉係成拼盤嘅焦點，油花分布平均，係A5級數果種入口即溶嘅質感。燒一燒，油脂香味即刻撲鼻，唔使點醬已經夠味，食落好滑，好香。牛肋肉同牛胸腹比較有咬口，牛味濃郁牛舌係薄薄一大片，仲包住啲蔥，輕輕燒一燒已經食得，口感彈牙，入口爆哂汁雪花牛小排啲油脂分布靚，燒一燒就香噴噴。成個拼盤分量唔算少，適合幾個人一齊share住食。花切長牛舌呢款牛舌切法幾特別，長條型，睇落好勁😆個切法令到咁厚嘅牛舌都可以好容易燒，燒完之後咬落去好爽脆。配埋檸檬汁一齊食，更加提味，啱晒鍾意彈牙口感嘅人。🥢夢王蛋海苔飯呢個飯係幾有驚喜，用咗夢王蛋，蛋黃好濃，撈埋熱辣辣嘅白飯，不得了。加埋碎紫菜，少少鹹香，簡單但好惹味。一啖燒肉一啖飯，都真係正出面仲有個bar area，俾人飲下野傾下計，又切合個camping主題，都幾特別，下次可以試下整體嚟講，呢間燒肉店啲主題特別，食材新鮮，處理得好，唔花巧但夠用心。…查看更多

日系露營風燒肉店！一入到去就feel到濃濃嘅户外氣息木系裝修加上柔和燈光，真係好似去咗個glamping咁呢度嘅環境好chill，同班friend圍住爐燒下肉傾下計又唔使山長水遠走去郊外，都可以享受到露營嘅樂趣仲要唔會熱辣辣或者蚊叮蟲咬，夠晒寫意A5和牛西冷薄切 壽喜燒配夢王蛋    -霜降紋靚到暈！輕輕一火灼蘸埋壽喜燒汁夢王蛋黃入口瞬間融化🤤 蛋香加倍嫩滑，牛油甘香爆棚全牛特選拼盤 -A5和牛三角腹肉 油花分布好似雪花咁均勻食落口真係瞬間融化，牛油香味濃到爆燈，肉質超軟嫩  -牛肋肉切得厚薄適中，肉味非常濃郁帶少少嚼勁但又唔會韌  -牛舌係切到厚度剛好，唔會太薄冇口感又唔會太厚難嚼。燒到兩面金黃色，食落爽脆彈牙  - 牛胸腹脂肪比較豐富，但佢嘅肥瘦比例恰到好處燒完之後油脂香超突出，肉質軟滑 -雪花牛小排 大理石紋嘅油花真係靚到暈肉質極緻細嫩，牛味香濃得來帶住淡淡甜味雞腳筋    -爽脆彈牙到極！燒到微焦香口，超有咬口夢見鳥雞胸軟骨    -爽脆爆燈！燒到金黃香口，雞味濃又唔油膩…查看更多

今日發現呢間露營主題餐廳真係好有特色🩷一走入去有露營嘅裝備同埋帳幕好有山系嘅感覺🏔️但係唔使野外起火啱晒我呢啲懶人🤣估唔到除咗環境有特色之外食物嘅質素都好唔錯👍🏻比得上日式高級燒肉店而且環境好Chill絕對值得一試🇯🇵⭐️ 全牛特選拼盤 🐮顧名思義可以食到唔同部位嘅牛肉🥩 牛小排同牛胸腹肉味十足充滿口感🥹 牛舌輕輕洋蔥蒜調味好有日式嘅感覺🤩 特別推薦A5宮崎牛三角腹🗾 油花分明比較嫩滑好唔錯⭐️ 夢見鳥雞腿肉 🍗雞腿肉唔會太肥而且好嫩滑🐔輕輕用鹽醬調味整體好新鮮🧂⭐️ 牛油燒廣島蠔 🦪廣島蠔鮮甜而且肉質肥美🌊配上蒜蓉同牛油整體更加滋味🧈⭐️ 燒野菜拼盤 🥬有蘑菇豆腐秋葵等各種蔬菜🍄‍🟫 爽脆而且新鮮平衡返味蕾啱啱好 💚⭐️ 月見夢王蛋醬燒飯團 🍙看似簡單但係飯團烤得香脆好有日式居酒屋嘅風味🏮蛋香濃郁分佈每一粒飯粒好正🍳⭐️ 一口炸芝士 🧀香口充滿芝士嘅濃郁感🧡好似日本便利商店嘅小食咁👍🏻…查看更多

電梯直上K11 Art Mall三樓就係火土燒肉，木系裝修配暖暖火光，氣氛輕鬆。佢哋抽風做得幾好，一啲油煙都冇。柚子汁風乾火腿薯仔沙律，帶著柚子汁酸香，入口好醒神又開胃。風乾火腿薄切帶油香，鹹香得嚟唔霸道。飲品點咗日式蜜桃汁，冰凍度啱，果香清新，甜度剛好，用嚟解膩一流。全牛特選拼盤，連擺盤都好靚。幾款部位切工靚，紋理均勻，落爐聽到嗶嗶聲已經聞到油香。燒到七成熟最正，外層微焦，入面仍然Juicy，肉味濃而不膩。牛肩位嫩滑，牛肋條燒起嚟油脂滲出特別惹味；牛舌薄切彈牙，舌根位帶少少好Q好煙靱嘅嚼感但完全唔韌，擠一啲檸檬汁提味，味道層次好豐富。夢見鳥雞腿肉。雞皮燒到微脆，入面保持嫩滑，咬落去好Juicy；塩醬鹹香收得好，入味但唔重手，真係好有口感。明太子雞翼，表皮燒得香脆，肉質保持嫩滑，明太子醬鹹鮮之中有微微辛香。迷你甜番薯燒過後外層略帶焦糖化，入面綿密又香。夢王蛋海苔飯，飯粒分明、煙韌度啱啱好，蛋液好冧同海苔香氣一撈開即刻散發出嚟，拌埋燒肉啲肉汁，味道層次好豐富。…查看更多

慶祝生日， 好友說帶我去露營兼吃燒肉，真是一個很特別的節目。🤩🤩尖沙咀河內道18號 k11 購物藝術館3樓314火土燒肉店 ，一個好似露營地的餐廳，範圍好大，戶內互外都有，用餐位置好似露營帳篷，裝飾風格原始朴實，每張餐桌旁邊掛上露營用品，大光燈，不鏽鋼的餐具光潔如新，柚子味燒汁，紙巾放在皮袋子裡，方便就手，點餐一點也不原始，掃碼點餐最快樂！慶祝生日可以任性。🤣🤣💥💥全牛特選拼盆共有六款，鹽蔥薄牛舌，雪花牛小排，牛胸腹，牛勒肉，A5宮崎牛花腹。 全部是高質牛肉，新鮮油香， 見到就有餓的感覺。😋 店員為我們開，爐，先用一塊豬油為烤網塗上一層油脂，油順增香。最美味的食法就是可以加香蔥和蒜蓉配柚子醋燒汁，美味非凡， 爐火慢慢地燒，每一塊肉都釋放特有美味給我們享受，每個味蕾都得到最高的滿足。💥💥海鮮拼盆三大驚喜，牛油大帶子，巨型虎蝦，鮮鮑魚，新鮮亮麗，像剛從海撈上來。🥳🥳我們高超的烤肉手法，把海鮮烤至剛剛熟是最美味的。👍👍💥💥伊比利亞豬勒肉特別鮮嫩的豬勒肉，在我們耐心❤炮製下，微微焦黃，肥瘦比例剛剛好，吃在嘴👄裡，美在心中。雖然是燒烤店，空氣流通清爽，完全沒有油煙味，這是第一個讚👍，服務到位，我們喜歡蔥蒜，店員為我們添加，還配上剪刀，令生日餐吃得特別乾淨優雅，特別有儀態。🥰🥰…查看更多

谁懂啊！在尖沙咀逛K11居然挖到一家露营主题烧肉店，「火土烧肉」直接把户外野餐搬进商场里——帐篷座位超有氛围，户外区洒满暖光，吃肉时像在城市绿洲里放松，随手拍都是氛围感大片～🥩闭眼点不踩雷清单▪️炙燒三文熊丼飯：颜值控必冲！熊造型饭粒软乎乎，三文鱼炙烤后带着焦香，酱汁裹满每一粒米，一口沦陷▪️烧肉拼盘：选择困难党福音！牛五花、猪颈肉等经典部位全都有，烤到油滋滋冒香，蘸秘制酱料超绝▪️姜葱鳗鱼饭：鳗鱼厚切超实在！外皮微焦内里嫩到流汁，姜葱酱汁鲜掉眉毛，配米饭能连炫两碗▪️鯷魚蔥香鏺鍋捽魬：锅气十足！魬鱼滑嫩Q弹，鯷鱼的咸香混着葱段清香，解腻又下饭🍹饮品&甜品太贴心吃完烧肉来杯冻柠檬茶，茶香清爽不涩，刚好中和油脂感；百香果梳打果肉满满，酸甜爆汁超开胃～收尾一定要点抹茶蕨餅！Q弹得能拉丝，裹上黄豆粉，茶香淡雅不甜腻，一口抚平味蕾疲惫。…查看更多

同燒肉友試咗K11呢間新開日式燒肉店，兩個人叫咗個「牛舌盛宴」！重點推介【花切長牛舌】$138，將成條牛舌切到咁薄，燒到微焦邊脆卜卜，咬落仲有彈牙感，點少少檸檬汁已經好正～【雪花牛小排】$138揀咗無醬汁版本，反而更食到牛嘅油脂香！建議燒到五成熟，入口即溶嘅油花配埋白飯$18真係無得輸。【夢見鳥雞胸軟骨】$78加辛辣味噌好惹味，軟骨脆口得嚟唔會啃親，送酒一流！海鮮控要試【牛油燒廣島蠔】$68，蠔身飽滿加牛油香，燒到啱啱熟爆汁超鮮甜！配菜【翠肉瓜】$38清甜多汁正好解膩。前菜【泡菜】$28同【塩味枝豆】$32都醃得夠入味，等燒肉時食兩舊😎…查看更多

中秋節夜晚，約咗同舊同學去咗尖沙咀賞月，順便去左K11搵左間燒肉餐廳食飯。餐廳環境好有露營風，食物質素亦都好好😆我哋叫咗一個二人餐，首先嚟嘅係黑醋冰蕃茄沙律，冰冰涼涼，酸酸甜甜，十分開胃😋伊比利亞豬肋條略帶嚼勁，微帶肉香，配上鹹甜既燒肉汁，食落大滿足🥰夢見鳥雞腿肉啖啖肉，配上蒜蓉芫荽醬好特別，啱哂作為芫荽控嘅我😋北海道豚肉卷肥瘦均勻，配上柚子胡椒醬，消除咗肉類嘅肥膩🤩花切長牛舌係今餐既MVP，長得好誇張，食落十分爽口。主菜方面有夢王蛋海苔飯同埋柚子梅素冷麵，海苔脆脆既口感配上邪惡嘅蛋漿，層次感十足；柚子梅素冷麵解暑一流😇佢個餐就包咗兩杯嘢飲，我哋叫咗百香果梳打同海鹽菠蘿梳打，十分清爽😝夜晚仲會開埋一個戶外酒吧，可以一齊飲酒傾偈😆總括而言，係一間性價比高、環境食物質素勁佳既餐廳😇…查看更多

今日嚟到尖沙咀火土燒肉，真係被呢個露營風格嘅裝修吸引到！整個空間用大量木質元素，配合溫暖嘅燈光，好有一種暖暖哋嘅露營氛圍，好舒服又放鬆。呢度真係一個好特別嘅地方，唔單止吃得開心，仲可以一邊享受呢個日式又有趣嘅環境。今日點咗份厚切牛舌，呢個牛舌真係好正！厚厚一片，肉質彈牙又多汁，入口即化，帶出一股濃濃嘅牛味，好滿足。仲有啲泡菜好開胃，酸酸辣辣，好提味。牛油燒廣島蠔就係另一個亮點，蠔鮮甜，配埋香濃牛油，味道完美融合，令人一試難忘。夢王蛋海苔飯細膩滑順，蛋汁好香濃，加埋海苔，層次豐富又好味。網燒一口牛，肉質嫩滑，咬落去滿滿肉汁，好滿足感爆棚。蘋果味噌帶點果香同豚腩卷搭配，脂香四溢，柚子胡椒提味提鮮，層次感十足，好享受。飲品方面，銀嶺月山佐佐良月好清新，唔會太膩，配搭呢啲美味絕配。最後嘅抹茶雪山冰，抹茶香濃，冰冰涼涼，係完美嘅解暑甜品。呢度嘅整體氛圍同食物都令人感受到用心，係一個好適合朋友聚會同放鬆嘅地方。下次一定要再嚟，一齊喺呢個露營風格嘅地方度享受美味時光啦！…查看更多

當「燒肉」遇上「露營風」，再置身於尖沙咀的K11 Art Mall內，火土燒肉從開業之初就備受關注。它賣的不只是高質肉類，更是一種Glamping的體驗。一進店內，彷彿瞬間從繁華的尖沙咀穿越到一個精心佈置的露營地：露營摺疊椅、天花板懸掛著串燈、周圍擺放著營幕復古煤油燈等裝飾。主題環境極具特色、打卡一流，是百分百的Glamping氛圍。最喜歡它的餐具等全部都是露營風，很有心思。而食物方面，餐廳主打高質牛肉-A5宮崎和牛。我們叫了燒肉拼盤和A5和牛三角腹。推介A5宮崎和牛系列，只需簡單燒烤，蘸點些燒肉汁，便能品嚐到濃郁的肉香和入口即化的口感。除了基本的鹽/燒汁醃肉外，也有一些創意款式，如用水果汁醃製的牛，味道層次更豐富。配上夢王蛋海苔飯，非常美味！ 服務員態度友善，對介紹菜式有耐心，換烤網亦很頻密。而且餐廳有戶外酒吧位，推薦給喜歡打卡又想嘗試新體驗的你！ …查看更多

店員本身有講用餐時間1小時OK冇問題 入座後啱啱開始燒已經同我哋講係last order, 隨即即時過嚟收錢 嗰時都仲有剩多於半小時 跟住店員不停過嚟狂收碟、幾乎每分鐘收一次嘢 連鵝肝嘅醬都要幫我哋淋埋、連我哋燒緊嘢嗰隻碟都唔放過 要即刻收咗佢 服務態度《一流》、如果再遲啲我諗連凳都冇得坐 😅😅叉都冇得用 下次唔會再嚟食、嚴重差評 bad experience ever in restaurant 100%blacklisted…查看更多

環境餐境都係露營主題，連杯杯碟碟露營用。餐廳仲設有戶外露天酒吧。叫咗個二人餐，包前菜，2個主食，好多款肉同兩杯野飲，好抵食。黑醋冰蕃茄沙律冰鎮過嘅蕃茄片得透薄，排得靚靚仔仔，淋上陳年黑醋汁，酸香醇厚又唔嗆喉，同蕃茄嘅清甜夾到絕。食落清新開胃，係一道夠晒醒神嘅前菜。花切長牛舌牛舌厚切得恰到好處，師傅用花刀切出細密紋路，燒到表面微焦脆口，內裡保持柔嫩多汁。伊比利亞豬肋條油脂分布平均，慢火烤到表面焦香，食落啖啖豬油香，大推，比牛嘅驚喜度更高分。北海道豚腩卷紮實又均勻，燒到表面焦香，豚肉嫩滑唔韌。夢見鳥雞腿肉鹽麴醃得入味，烤到雞皮金黃脆口，肉質保持濕潤嫩滑。夢王蛋海苔飯夢王蛋做到完美流心效果，蛋黃濃郁黏滑，撈勻飯粒後更香滑，依個配搭係燒肉必備。柚子梅素冷麵醬汁用咗柚子汁同梅肉調製，酸甜開胃，整體清新怡人，留到最尾食好解膩。牛肋肉另外叫多款牛肋肉，油花均勻嘅部位，一咬落去肉汁澎湃，仲要腍到入口即化。牛肉味濃得嚟又唔膩。巨峰提子可爾必思& 福岡草莓可爾必思飲落冰涼順喉，帶微微乳香同果香，清爽唔膩。…查看更多

第一次食呢間，但唔會有下次！！！主要係和牛嘅質素太差，甚至令我懷疑究竟係唔係和牛。叫咗個嚴選牛肉拼盤，主角和牛雖然厚身，但食落去沒有油香，冇和牛獨特嘅味道，而且冇牛味，肉質都比較韌，同埋有筋，油份喺煎嘅過程都冇散開。睇個賣相的確似一般嘅和牛，但係色香味同煎嘅過程都睇唔出係和牛。 同其他盤上面嘅牛肉比較，其他牛肉嘅味道反而更重。咁我都加嗌咗另一個和牛，A5白老和牛三角腹肉。啲肥膏多，賣相唔好睇。同樣地，食落都係冇和牛味。肉質同牛味都比普通嘅牛差。呢個和牛 ，我係會比零分，亦都唔了解點解其他人會覺得好食。如果呢個質素嘅牛，根本唔應該買到咁貴，$50都嫌多，亦都影衰咗和牛呢個名。 究竟佢係咪真係宮崎A5和牛，我自己覺得就唔係😫咁講啲好嘅，除咗和牛，其他肉嘅質素都OK，擺盤都靚，環境都靚。但個價錢就唔值，性價比低到，不能再低🥱因為睇返餐牌佢嘅餐最貴，其實係個和牛。和牛先至係個主角，但佢而家連配角都唔係🤢想食個環境，歡迎嘅。要食個質素，就可以講拜拜…查看更多

以露營為主題既烤肉店, 入面既櫈、餐具等都係用露營用品, 非常有特色, 環境舒適闊落, 烤肉既質素都相當唔錯, 依家7:00前離座或者9點後入座仲有85折tim.🍽️ 全牛特選併盤 $408A5宮崎牛三角腹肉｜牛肋肉｜牛舌｜牛胸腹｜雪花牛小排五款牛各有不同口感, 好似牛肋肉就會比較有嚼口, 牛舌則係非常爽彈, 包住蔥嚟食更加香, 當中最鍾意一定係A5 宮崎牛三角腹肉, 雪花均勻,肉質軟嫩.🍽️ 北海道厚燒豬豚肉 $168豬豚肉又厚又大塊, 肥瘦層次分明, 燒過之後, 油脂香味四溢, 重口味人士必叫之選.🍽️ 夢見烏雞腿肉 $78呢個雞腿肉真係超級軟嫩, 加上雞皮燒過後既香脆, 入口仲食到肉汁, 非常juicy , 蘸上蒜香莞荽醬後更加惹味.🍽️ 月見夢王蛋醬燒飯糰 $48呢個真係必食之選, 飯糰燒過後勁香脆, 有小小似飯焦, 入口伴隨夢王蛋香, 口感外脆內軟.🍽️ 夢王蛋海苔飯 $32…查看更多

因為慶祝朋友生日，所以就嚟咗呢間食燒肉，啲燒肉有好多款，肉質嫩滑，燒得啱啱好，唔會過韌。環境幾特別，同出面餐廳唔同，好獨特，每張枱上面有個小帳幕，好似去咗露營咁。食完野之後我哋出咗去室外聽歌，原來出邊仲更加靚，室外區掛滿燈泡，聽住live band演奏，氣氛幾浪漫，適合同朋友或另一半傾偈 chill 下。所以下次都會再嚟試吓坐室外！…查看更多