麺屋こころ (軒尼詩道)

營業中

休息中

放工去書展，順個便係附近搵野食。見呢排咁多foodie 推呢間過江龍，唔係拉麵，唔係沾麵，而係日式mix 台式撈麵咁時bet掃，就去排下隊。 《正宗全料東京撈麵$109》賣相係幾靚。但一撈到底就聽到隔離枱話：嘩！個底好油！冇錯，撈完個面又油又杰。食第一啖個味幾好，跟著應該胡椒粉作祟，愈食愈辣。 餐廳建議食法:撈勻之後加黑胡椒再食: 令到個辣味再升級，已經開始飆汗同不停飲水。加入秘製香醋: 呢個反而幾好, 中和番個油膩感。最後可以加入佢提供嘅一啖白飯，撈埋淨低嘅汁汁， 反而覺得咁樣係最好食。總括而言，碗麵味道比較單一，欠缺變化，難怪要有幾種食法，因為食到第三啖唔轉個食法就已經膩左。叫多個《雞皮餃子$46》附送wasabi醬，分量偏細，欠缺驚喜。