蘇山雞飯

營業中

休息中

本身深水埗有分店嘅呢一間雞飯，而家太子都有分店了，味道不錯，價錢平民化。尤其係呢度嘅雞飯，真係好味啊！太子分店裝修光鮮亮麗，坐得舒服，好啱啦放鬆心情食飯。最推介嘅就係黑白雞飯，有海南雞和醬油雞兩款，一定要試下啦。雞肉好嫩好滑，仲配有豉油、薑蓉、辣嘅醬汁。跟餐加咗輕怡肉骨茶，湯汁濃香，排骨肉腍。飲品叫咗熱檸檬茶消除飯後膩感。另外，叫咗星洲叻沙海南雞米粉。叻沙汁好正，配上海南雞米粉，味道更加豐富。加咗馬拉盞椰菜苗，有醬汁鹹鹹地。飲品叫咗熱即磨炭燒咖啡。當然要叫鮮油咖央多士啦。多士夠香脆，入邊有好厚嘅牛油同埋咖央醬，好正！