Black Coffee

營業中

休息中

今日就真係好休閑，同好姐妹食午餐，留意到Black Coffee 佢嘅英文字係可以當凳坐，好有創意。自家製手打雞肉蝦餅三文治配雜菜沙律竹炭麵包內有雞肉蝦餅，每件雞肉蝦餅都有厚度(唔係薄片)，所以好有咬口，而且雞肉蝦餅整得香口又唔乾，加埋新鮮蕃茄同茄汁好合拍。有埋新鮮雜菜沙律，整個餐好健康。三重朱古力窩夫（全份）配朱古力雪糕窩夫送上時，襯佢重係脆脆嘅口感，就即刻要食咗先，即整嘅窩夫帶微温，朱古力醬同朱古力碎不會過多或太少，再食一啖凍冰冰嘅朱古力雪糕，口感真係好正。玫瑰蜜桃果茶(熱)用壺送上嘅熱飲，味道帶有玫瑰花香同蜜桃嘅果甜，唔錯嘅熱飲。抹茶鮮奶鐘意抹茶有益而清淡嘅熱飲，拉花加分。