Black Coffee

營業中

休息中

走到裕民坊覓食，發現 HeySoNut 姊妹店在這裡開分店，就決定來試試看啦！就在商場2樓小角落，環境不會感到嘈吵。環境分為兩邊用餐區，簡約裝修環境舒適，半開放式位置感覺特別一點欵。食物有套餐和散點，價格不算太貴的，而且食物大份賣相吸引😎。-冰釀咖啡 HKD$64 | 朱古力鮮奶咖啡 HKD$44飲品選擇有幾十款，咖啡、手沖咖啡、鮮奶飲品及花茶，要來多幾次才品嚐到不同口味哈哈。冰釀咖啡有冰球在裡面，在浮動時帶點晶瑩剔透的閃爍感📸。每一口也是冰涼濃厚的咖啡，在這個悶熱的天氣有透心涼的感覺。朱古力熱鮮奶咖啡拉花吸引，口感順滑味道不會太甜，與香濃的咖啡比例剛好。-香煎口水雞扒窩夫漢堡配雜菜沙律 HKD$94把中式美食融入西式漢堡，嶄新融合料理值得一試欵。用的是咸窩夫製成漢堡，所以份量較大一點😌。雞扒大件厚身啖啖肉，味道辣得過癮，而且調味不會太咸。雜菜沙律新鮮爽脆，可以中和一下口水雞的辣味。-日式炸豬扒漢堡配雜菜沙律 HKD$92漢堡份量十足有層次感，炸豬扒酥脆不油膩，肉質厚身有肉汁中，醬汁香濃惹味。女生吃要小心點欵😂，漢堡有份量要切件吃哈哈。想吃酥脆香口炸薯條，轉炸薯條 +$20就可以，金黃

呢間係以黑色為主調的Cafe，環境舒適，好適合同朋友傾偈或者自己一個人靜靜地享受美食。今次試咗佢地兩款主食，兩款小食同飲品，整體感覺幾唔錯。🐮慢煮牛面肉配蒜蓉炒意粉 慢煮牛麵肉口感軟嫩，肉味濃郁，配上蒜蓉炒香嘅意粉，味道層次豐富。🐤香煎口水雞扒漢堡包配雜菜沙律 超特別的口味😆口水醬汁微辣帶香，辣得過癮。雞扒煎得外皮香脆，內裡多汁。配埋新鮮爽脆沙律，可以中和雞扒嘅油膩感。🐤水牛城雞翼 雞翼外皮香脆，醬汁香辣惹味，鍾意重口味嘅朋友應該會幾鍾意。🦐自家製手打雞肉蝦餅又係出色自家制料理，彈牙雞肉加蝦膠，炸到卜卜脆, 味道好夾喎！☕️Coffee Tonic 咖啡味濃郁，配上Tonic Water嘅清爽，係我中意的味道👍🏻☕️玫瑰蜜桃果茶 玫瑰蜜桃果茶清香怡人，甜度適中，好適合食完濃味食物之後飲用，可以解膩。🌟呢間Cafe環境舒適，食物質素唔錯，價錢合理，仲不收加一，好值得再去。

今日同老公去屋企樓下食飯，呢間咖啡店走簡約工業風，牆身用咗深色木系同水泥元素，搭配柔和嘅燈光，感覺舒服。店內座位唔算太多，但空間感十足。我哋叫咗幾樣嘢食，首先係慢煮牛面肉配蒜蓉炒意粉，呢個真係好好食！牛面肉煮得好淋，入口即化，蒜蓉炒意粉香氣十足，意粉煮得啱啱好，唔會太軟，撈埋啲蒜蓉一齊食，味道好豐富，絕對係必試之選！評分：👍🏻👍🏻👍🏻👍🏻👍🏻/5跟住係香煎口水雞三文治配雜菜沙律，呢個都唔錯！三文治嘅雞肉煎得香脆，配上微辣嘅口水雞醬汁，好惹味。雜菜沙律新鮮爽脆，加咗少少醋汁，酸酸甜甜，好開胃。評分：👍🏻👍🏻👍🏻👍🏻/5小食方面，我哋叫咗水牛城雞翼，雞翼炸得外脆內嫩，配上經典嘅水牛城醬汁，酸辣得嚟又唔會太嗆，好適合送啤酒或者咖啡。評分：👍🏻👍🏻👍🏻/5甜品我哋揀咗三重朱古力窩夫配雪糕，窩夫外脆內軟，朱古力味好濃郁，加上朱古力醬同朱古力雪糕，真係朱古力愛好者嘅天堂！食完之後好滿足，不過建議兩個人分享，因為份量都幾大。評分：👍🏻👍🏻👍🏻👍🏻/5飲品方面，我哋叫咗Cold Brew同Coffee Tonic。Cold Brew口感順滑，咖啡味濃郁但唔會太苦，好適合慢慢歎。Coffee Tonic

食完正餐，就緊係要食甜品架啦!!😆 我自己留意左旺角果間分店好耐，但一直都無時間去試，居然比我發現觀塘有分店😯，即刻去試😏。旺角分店其中一款人氣甜品就係髒髒提拉米蘇$68未食就已經聞到朱古力香😌，食落D cream好滑、好濕潤、酒味好濃、手指餅好脆，頭幾啖都OK，但食多兩啖就覺得味道好單調，而且開始覺得溜😂，呢個時候要連同旁邊嘅朱古力碎或餅一齊食，可以增添變化。雖然呢款甜品份量唔算多，但我極度建議兩人share嚟食，否則會由喜歡食到尾變討厭😅 由於我朋友唔中意呢款tiramisu，結果我一個人食哂，真係好溜、唔想再食…😑另一款人氣推介甜品就係三重朱古力窩夫$98(全份)呢個窩夫幾大份，一共有六件，兩個人Share食啱啱好!! 即叫即整，食果陣外脆內軟，由於粉漿加左朱古力粒，提升左朱古力濃度外，亦多左一份焦焦地嘅朱古力香，齋食窩夫已經好滿足🤤。另外配上一球朱古力雪糕、少量朱古力醬同朱古力碎，真係錦上添花。中意食朱古力嘅朋友仔，呢款甜品一定可以滿足到你😏。小店無加一，可以信用卡付款。

屋企附近有間隱世cafe，食物水準高，性價比高，我哋一家都成日幫襯。窩夫係我哋必點嘅item，因為有蛋香之餘，仲整得外脆內軟。今次家姐就點咗 蛋沙律窩夫配雜菜沙律，兩球大大嘅蛋沙律同個窩夫都好夾，配埋蕃茄同雜菜沙律，好味又健康！而細妹仍然係口水雞忠粉，所以今次encore 香煎口水雞扒漢堡，另加$20 轉薯條，小朋友至愛。口水雞係辣嘅，雖然細妹係接受到，但唔食得辣嘅朋友仔要注意啦😆 成份漢堡比較大，真係唔可以手揸住食，超足料呢！上次食完慢煮牛意粉，今次就轉吓食 龍蝦濃湯意粉配虎蝦。意粉一樣保持水準，軟硬度適中。個龍蝦湯味超香濃，再配幾隻彈牙虎蝦，好滋味😋見到 日式炸豬排三文治 都好吸引，豬排炸得香脆，但入面都keep到肉質鬆軟。再用竹炭麵包夾埋蕃茄，解油膩又特別喎！大食嘅我哋仲叫咗個小食 手打雞肉蝦餅 😉 之前都想食，因為係Black Coffee自家製出品，將雞肉配彈牙蝦肉，好特別！兩個妹妹最後指定動作，一定要食朱古力控都like嘅 三重朱古力窩夫 做甜品！有朱古力粉、朱古力碎、朱古力雪糕🍦去夾住窩夫🧇一齊食，真係食到lam lam 脷！

《Black Coffee》旺角人氣咖啡店《Black Coffee》, 在觀塘裕民坊YM^2開左分店。呢間店食物款式和旺角店有些分別，呢度食得輕盈d ，主打提供三文治和意粉類。龍蝦濃湯意粉配虎蝦 $98虎蝦4隻，蝦肉鮮嫩上面淋滿香草添惹味。龍蝦汁濃郁，配埋落了香草嘅意粉一齊食，十分匹配。慢煮牛面肉配蒜蓉炒意粉 $138牛面軟腍，下面有些紅蘿白，醬汁濃鬱，有黑椒味。香煎口水雞扒漢堡仑配雜菜沙律 $98包有空氣感和鬆軟，雞扒附有微辣醬汁，惹味無窮。日式炸豬扒三文治配雜菜沙律 $72豬扒外脆內軟，三文治包係竹炭麵包。一碟都幾大份，建議兩個人share 一份。嗌左一壺 Chill 吓 :芙香蘋果茶 $48 ~ 蘋果味偏重另嗌了， 鮮奶朱古力 $46 ~ 用新鮮牛奶，不是奶精，而 茶味香濃且醇厚。

🌸自家製手打雞肉蝦餅，外皮金黃色，口感紮實又爽口彈牙，配埋特製醬汁一齊食，都幾惹味！🌸龍蝦濃湯意粉配虎蝦，充滿龍蝦嘅鮮甜味道！意粉都好掛汁，大大隻虎蝦好新鮮仲好彈牙，整體口感層次都好豐富🌸慢煮牛面肉配蒜蓉炒意粉，牛面肉好軟腍嫩滑，肉味濃郁，一啲都唔騷，配埋彈牙又充滿蒜香味嘅意粉一齊食，好香口好好味🌸三重朱古力窩夫配朱古力雪糕擺盤好吸引，熱辣辣厚身嘅窩夫！口感好香脆，配埋朱古力雪糕、大量cream再淋上朱古力醬汁，再加上朱古力碎碎，朱古力味道好香濃，口感層次都非常豐富，我呢個朱古力控，好滿足🌸髒髒咖啡層層既美感好靚，濃濃嘅咖啡味道同牛奶融合埋一齊，好飲，口感都好順滑🌸榛子鮮奶咖啡，咖啡帶有淡淡嘅奶同埋榛子嘅香味，味道唔錯🎀餐廳舒適寬敞，裝修好型格，以黑色為主！食物質素都唔錯呢

呢間coffee shop位於裕民坊一個角落，餐廳佈置就無咩特別，少少位俾大家坐低食下野飲下啡，悠閑地做嘢，食物款式同旺角店有小小分別，每款飲品食物都同樣有質素。香煎口水雞扒漢堡包既雞扒煎得外脆內嫩，搭配新鮮嘅雜菜沙律，辣得離帶點清新，健康又好味日式炸豬排漢堡包同樣唔可以錯過，豬排炸得金黃香脆，配上特製醬汁，味道非常好，食落去好滿足慢煮牛面肉配蒜蓉炒意粉 $138牛肉質地非常軟稔，烹調手法有技巧先唔會導致牛肉過熟。醬汁感覺似黑椒+五香味，應該有加入肉桂之類香料，幾香幾好食而家咁熱，飲品嗌左杯手搖冰茶熱情果$48 ~ 茶味清香，酸酸甜甜iced cappuccino $46 奶泡厚厚一層🫶🏻

一直都係旺角店fans,估唔到裕民坊都開左分開兩邊座位，半開放式簡約黑色木系裝修幾舒服慢煮牛面肉意粉牛面肉煮到好淋身好重膠質，入口即化蒜香意粉炒得夠鑊氣，真係好好食！日式炸豬排三文治賣相好吸引，豬排炸得香脆用上烤得香口竹炭麵包，夾住新鮮蕃茄生菜一啲都唔油膩水牛城雞翼雞翼炸得外脆內嫩，帶少少香辣當然唔少得人氣推介甜品三重朱古力窩夫兩個人Share食啱啱好，朱古力雪糕，朱古力漿，就連窩夫入面都夾住朱古力，真係勁滿足飲品叫咗厚泡沫黑咖啡，咖啡湯力咖啡香濃，值得一試

係商場見到HeySoNut姊妹店開分店，即刻入去試下！新店雖然細細間但分開兩邊座位，簡約木系裝修幾舒服，半開放式設計坐近走廊位都幾有氣氛～價錢算合理，重點係食物份量夠大碟，擺盤仲幾IGable！主菜試咗香煎手撕豬窩夫漢堡配沙律～將咸味窩夫代替漢堡包夠破格～手撕豬肉帶蜜糖甜味，同咸香窩夫一脆一軟幾過癮🥰沙律菜新鮮爽脆解膩慢煮牛面肉意粉都唔錯，牛面肉煮到好淋身好重膠質，蒜香意粉炒得夠鑊氣，味道濃得嚟唔會油淋淋～口水雞多士超正！！雞扒厚切煎到脆皮，淋上自家製麻辣醬汁，辣度溫和帶花生香，夾埋烘脆多士食惹味勁好食！自家製雞肉蝦餅都值得一讚，雞肉混蝦膠打得夠彈牙，炸得外脆內嫩唔油膩，點埋酸甜醬好開胃～飲品叫咗冰釀咖啡同花茶～咖啡味濃得嚟唔苦澀，夏天飲真係爽！呢度飲品選擇多到有選擇困難症，下次要再encore🤣

**Lobster Bisque Spaghetti w/ Tiger Prawns（龍蝦濃湯意大利麵配虎蝦）** 以濃郁的龍蝦湯汁為基底，搭配彈牙的意大利麵和新鮮的虎蝦，整體口感豐富且層次分明。龍蝦湯的鮮味十足虎蝦的肉質夠鮮嫩👍🏻 **Beef Cheek w/ Spaghetti（慢煮牛面肉意大利麵）** 呢款堅好食✨慢煮的牛面肉非常軟嫩入口即化搭配意大利麵和濃郁的醬汁味道濃厚且帶有深度的香氣啱哂鐘意濃郁肉味的人，牛面肉的質感和醬汁的調味都非常出色👍🏻🩷**Pan Fries Saliva Chicken Waffle Burger（香煎口水雞扒窩夫漢堡）** 香煎的口水雞扒帶有微辣的口感搭配窩夫的甜味，形成一種獨特的對比🤓窩夫的外皮酥脆，內裡鬆軟，與雞扒的搭配非常有趣，唔錯，值得一試😙**Chocolate Banana Waffle（朱古力香蕉窩夫）** 以朱古力和香蕉為主要元素，窩夫的口感鬆軟，朱古力醬和香甜的香蕉，甜而不膩**Rose Peach （玫瑰蜜桃）** 呢杯熱飲帶有淡淡的玫瑰香氣和蜜桃的甜味，口感溫和且帶有花香，啱曬冬天飲用 **Mixed Berry

🍽️香煎口水雞扒窩夫配薯條 $94口水雞非常juicy🥰醬汁有微微麻辣，惹味之餘唔會太辣🤤窩夫口感酥脆，食落充滿蛋香味，有驚喜☺️🍽️慢煮牛面肉配蒜茸炒意粉 $138牛面肉肉質軟諗嫩滑，吸收晒紅酒汁嘅味道😋炒意粉同牛肉分開上，唔會到諗晒，保持口感彈牙👍🏻🍽️水牛城雞翼 $68雞翼炸得香脆，醃得好入味；外脆內軟，食得滋味🥰🍽️三重朱古力窩夫配朱古力雪糕 $98朱古力碎+朱古力雪糕+朱古力心太軟餡窩夫，超級邪惡，鍾意🍫嘅你一定要試吓🤩🍹黑糖焙茶鮮奶 $44🍹榛子鮮奶朱古力 $48味道😋 8.8/10性價比💰 8.2/10環境🔎 8.0/10服務🫶🏻 8.5/10打卡指數📸 9.0/10٩(˃̶͈̀௰˂̶͈́)و 推薦指數🥰 8.5/10

觀塘嘅「Black Coffee✨」係我開餐嘅好選擇，佢哋有多款既輕食同咖啡，開放式設計，環境舒服，啱晒chill下😌☕「香煎口水雞扒窩夫漢堡」🍔🧇，雞扒煎得啱啱好，外皮香脆，入面juicy，仲有啲微辣嘅口水雞醬汁，同窩夫嘅甜味撞埋一齊，味道好有層次感，好特別嘅配搭👍「日式炸豬排三文治」🥪🐷，豬排炸得好脆，夾埋新鮮嘅生菜同特製醬汁，三文治嘅麵包都烘得啱啱好，外脆內軟，整體好balance😋「龍蝦濃湯意粉配虎蝦」🍝🦞，龍蝦汁夠濃郁，每一啖意粉都掛滿醬汁，虎蝦肉質彈牙，好味「水牛城雞翼」🍗🔥，雞翼外皮香脆，醬汁酸酸辣辣，好開胃😆「曲奇忌廉窩夫配朱古力雪糕」🧇🍪🍫窩夫外脆內軟，曲奇忌廉好香滑，朱古力雪糕濃郁得嚟唔會太甜，成個配搭好夾😍「Black Coffee✨」嘅食物同價錢都合理，會再encore🌟👏

⭐️慢煮牛面肉配蒜蓉意粉：好大份肉，超入味，食得出佢係用紅酒煮過，勁足料，好味（ $138）⭐️香煎口水雞扒窩夫：只係有少少麻，唔辣嘅，好香口，配埋窩夫，正（ $94）⭐️自家製手打雞肉蝦餅：食得出係手打，因為好彈牙，蝦味充足（ $78 ）⭐️自家製髒Tiramisu：係比張相吸引咗，好足料，唔係得個甜，個lady finger真係有酒味㗎，推介（ $68 ）⭐️凍白桃茶：好香茶味，好清爽（$48 ）佢全部嘢即叫即整，所以超級新鮮熱辣🥳坐喺度傾吓偈幾舒服，嗌咗咁多樣嘢都唔使$500，性價比好高，值得推薦😎

有朋友自遠方來和他到觀塘塘裕民坊二樓的BLACK COFFEE 位置有點隱蔽，但勝在夠開揚。✅自家手打雞肉蝦餅漢堡配薯條 🍔🍟雞肉蝦餅份量一點都不吝嗇滿滿的份量， 搭配自製醬汁， 酸酸甜甜。粗薯條：口感酥脆，香氣滿滿熱騰騰來吃， 口感更爽。✅日式炸豬扒三文治 🥪最感興趣，麵包烘過有點脆炸豬扒香脆酥嫩，可口沙律菜鮮嫩， 不同的酥脆感， 值得一試✅抹茶鮮奶🍵🥛 抹茶帶點苦口濃醇抹茶層次的融入了鮮奶的滑順口感與滿滿的奶香✅榛子拿鐵 ☕口感順滑，帶有微妙的堅果色調，奶油色增添深度✅三層朱古力窩夫配朱古力雪糕 🍫🧇🍨小店的重頭戲😍賣相精緻窩夫內也有朱古力餡料， 滿分邪惡