影片
營業時間
今日營業
10:00 - 20:00
星期一至日
10:00 - 20:00
公眾假期
10:00 - 20:00
公眾假期前夕
10:00 - 20:00
以上資料只供參考, 請與餐廳確認詳情
屋企附近有間隱世cafe，食物水準高，性價比高，我哋一家都成日幫襯。窩夫係我哋必點嘅item，因為有蛋香之餘，仲整得外脆內軟。今次家姐就點咗 蛋沙律窩夫配雜菜沙律，兩球大大嘅蛋沙律同個窩夫都好夾，配埋蕃茄同雜菜沙律，好味又健康！而細妹仍然係口水雞忠粉，所以今次encore 香煎口水雞扒漢堡，另加$20 轉薯條，小朋友至愛。口水雞係辣嘅，雖然細妹係接受到，但唔食得辣嘅朋友仔要注意啦😆 成份漢堡比較大，真係唔可以手揸住食，超足料呢！上次食完慢煮牛意粉，今次就轉吓食 龍蝦濃湯意粉配虎蝦。意粉一樣保持水準，軟硬度適中。個龍蝦湯味超香濃，再配幾隻彈牙虎蝦，好滋味😋見到 日式炸豬排三文治 都好吸引，豬排炸得香脆，但入面都keep到肉質鬆軟。再用竹炭麵包夾埋蕃茄，解油膩又特別喎！大食嘅我哋仲叫咗個小食 手打雞肉蝦餅 😉 之前都想食，因為係Black Coffee自家製出品，將雞肉配彈牙蝦肉，好特別！兩個妹妹最後指定動作，一定要食朱古力控都like嘅 三重朱古力窩夫 做甜品！有朱古力粉、朱古力碎、朱古力雪糕🍦去夾住窩夫🧇一齊食，真係食到lam lam 脷！
繼續閱讀
平時去觀塘行街都係去APM，好少會去裕民坊，今次過去就發現咗哩間小店。餐廳細細間，座位唔算太多，隱藏喺2樓嘅角落，絕對算得上隱世小店🤭👑曲奇忌廉窩夫配朱古力雪糕 $70大驚喜‼️必試‼️激好味‼️食完鹹點後就當然到甜品，即叫即製夠新鮮熱辣辣♨️ 窩夫表皮香脆內層鬆軟🧇 曲奇碎+香滑忌廉，仲有一片片oreo脆餅，口感好豐富😋 朱古力雪糕超濃郁，配埋窩夫一齊食，冷熱交融😍✨水牛城雞翼 $68雞翼炸得幾好，皮層香脆可口唔會太乾，內層肉質依然嫩滑juicy，食落少少辣好惹味👍🏻✨自家製手打雞肉蝦餅 $78好少喺出面見到手打雞肉蝦餅，係Black Coffee自家製出品，味道出奇地幾夾，配埋醬汁食仲有點點泰式感覺。✨龍蝦濃湯意粉配虎蝦 $98意粉軟硬度剛好，龍蝦湯味香濃唔會過鹹，虎蝦大大隻好爽口彈牙🤤 旁邊配埋沙律菜，健康有營養🥗✨日式炸豬排三文治配雜菜沙律 $72大大份三文治，豬排香脆，肉質鬆軟，夾埋蕃茄帶點點酸更解膩，加上爽脆生菜增添口感。旁邊同樣搭配沙律👏🏻✨抹茶鮮奶 $48抹茶味道濃郁，鮮奶香滑，飲落唔苦澀🍵✨熱情果手搖冰茶 $48茶底唔澀，熱情果酸酸甜甜，解膩又清新。🔍整體感覺：餐廳雖小，美食俱全😆 職員服務態度都幾nice。窩夫絕對係必試之選，我下次再去試埋其他味道先😏
繼續閱讀
觀塘裕民坊這間人氣特色窩夫店開了好一陣子，今晚終於有機會來吃晚餐。老公知道晚上要吃窩夫做晚餐，起初有點抗拒，最後，他還是被逼陪我去吃。其實餐牌裏還有很多選擇，不只是甜品呢！我們也選了一些特別的菜式：香煎口水雞扒窩夫漢堡配雜菜沙律口水雞充滿肉汁，一口咬下去，豐富的肉味令人停不了口。窩夫外脆內軟，搭配生菜和蕃茄，有多層次的口感，吃下去又不會過於油膩。沙律的蔬菜非常新鮮，份量十足，微辣的雞扒則煎得剛好，外脆內嫩，肉質極其juicy。自家製手打雞肉蝦餅蝦餅十分厚，外層炸得香脆，卻不油膩，內裡的肉質彈牙，令人回味無窮。特別值得一提的是其西式甜辣醬，味道獨特，為蝦餅增添了不少風味，讓人忍不住一口接一口。龍蝦濃湯意粉配虎蝦龍蝦濃湯味道濃郁，好像在吃一碗龍蝦湯一樣。四隻虎蝦鮮味十足，尤其是蝦膏的味道，惹味鮮味十足。意粉十分掛汁，軟硬度剛好，口感爽彈。水牛城雞翼雞翼很嫩滑，入口微辣，醬汁濃稠美味。三重朱古力窩夫配朱古力雪糕朱古力窩夫如山般高，外脆內鬆軟，中間更有濃郁的流心醬，讓人感受到朱古力的誘惑。搭配的朱古力雪糕球很濃郁，朱古力味道濃。這間餐廳的食物實在是美味又特別。不單只是窩夫和雪糕等甜品，其他主菜如意粉或蝦餅等都能讓人感受到廚師的用心。
繼續閱讀
中午Lunch同朋友嚟到裕民坊搵好嘢食～旺角人氣Cafe分店Black Coffee餐牌都幾多選擇，食物水準不錯~一定要食佢哋嘅特色窩夫😍❣️真係好令人回味❣️◾️雜莓窩夫配雲呢拿雪糕🫐🫐🍦🧇窩夫甜品份量幾大份下，可以開心share😆😆窩夫好香蛋味，表層香脆，食落去勁鬆軟！配上新鮮生果、雲呢拿雪糕、滑溜既cream好味又滿足🤤💕推薦‼️◾️自家製手打雞肉蝦餅🐔🦐🦐蝦餅大塊厚身，炸得外層香脆又唔會太油膩，內裏肉質彈牙，特別佢既西式甜辣醬好好味！◾️龍蝦濃湯意粉配虎蝦🦞🦞🦐🍝虎蝦四大隻好有鮮味，特別蝦膏好正😍龍蝦湯味道都好濃郁，配意粉食一流☺️👍◾️自家製蕃茄醬炒意粉配肉丸🍅🍅🍝意粉煮得爽口，肉丸肉汁豐富～每條意粉都沾滿酸甜蕃茄醬味，開胃又好食！◾️凍抹茶鮮奶🍵🍵🥛香濃抹茶味，加埋鮮奶入口好順滑☺️◾️Cold Brew Coffee好飲嘅精品咖啡，值得一試~📍Black Coffee (觀塘)觀塘協和街33號裕民坊YM² 2樓201號舖
繼續閱讀
冇錯，係為佢而嚟 - “三重朱古力窩夫配朱古力雪糕”。其實，位於裕民坊YM2嘅”Black Coffee”，我喺幾年前啱啱開嗰陣已經有嚟食，嗰陣冇咩人知，原來商場行到最入有間coffee shop，仲要幾高質素。首先，我哋叫咗”香煎口水雞扒窩夫漢堡配什菜沙律”。沙律份量好多，而窩夫本身已經外脆內軟，牛油蛋香充足。但如果仍然嫌口味單一，佢嘅口水雞扒係辣嘅，可以令到成個漢堡味道豐富好多。跟住我哋叫咗”龍蝦濃湯意粉配虎蝦”。本來期望唔算好高，但佢哋龍蝦湯真係夠晒味，意粉亦都足夠掛汁，食落去真係會覺得係飲緊龍蝦湯，而唔係得少少海鮮醬味。當然一定要講，”三重朱古力窩夫配朱古力雪糕” (點解啲勁嘅甜品嘅名硬係咁長😂？)。好似一座山咁高嘅朱古力窩夫，好多醬好多料，仲有個朱古力雪糕球，係極之邪惡但好食嘅終極甜品。嗌咗兩杯凍飲，由於唔想瞓唔着，所以冇嗌咖啡😂，叫咗抹茶鮮奶和黑糖焙茶鮮奶。味道係好足夠，抹茶味同焙茶味係兩種唔同嘅感覺。個人認為佢個漸變色可以做得再靚啲。“Black Coffee”嘅主食、甜品同飲品都有水準，個人幾鍾意佢環境靜靜地，座位間距合理。但咖啡可能就要等下次日頭去先可以再試了。
繼續閱讀