Antidote

營業中

休息中

餐廳裝修雅緻，店員親切好笑容，前菜款式多。食物價錢雖然中上，但大大盤又好味。唯一缺點係地理位置比較偏僻。✦ 黑芝麻炸雞 賣相特別，黑蚊蚊，問咗店員先知係咩嚟，哈哈。芝麻醬香濃，加埋香葱洋葱嘅清新，配搭肉汁充足嘅嫩滑炸雞，一啖幾個層次。✦ 生醃三文魚三文魚厚切、肥美、鮮嫩，啖啖口感都好rich好飽滿。生醃淡淡醬油味中和咗肥膩感。套餐仲有兩粒得得意意嘅三角飯團，食落煙韌有咬口，幾香口。✦ 鯛魚帶子釜飯 店員會喺枱上為客人攪拌埋。鯛魚香味濃郁、嫩滑，帶子大大粒。熱辣辣食，有成三四碗份量，仲有飯焦。