鮨一 (厚福街)

營業中

休息中

天寒地凍朋友帶我去食日本嘢，去到尖沙咀一間日本餐廳 "鮨一" 見到商廈水牌有3層係"鮨一"，覺得都幾厲害，今日甘嘅經濟環境仲可以佔用三層做飲食，仲要閒日凍冰冰都有七成滿。坐低張二人枱，朋友推介鮨一沙律，凍冰冰的環境下本來不大期望，但待店員送到沙律後發現好有驚喜，一大碗蔬菜上鋪滿各種角切魚生，有三文魚，金目鯛，八爪魚，牡丹蝦等等。各種魚生都好新鮮肥美配上蕃茄胡麻醬，十分醒胃。再黎就係壽司十貫，用料上乘，有肥美大拖羅，鮮甜海膽，軟嫩大蝦，甘甜油甘魚，爽口帶子等…，點上wasabi同壽司醬油鮮味大大提升。最後終於等到有熱食喇，係熱辣辣嘅泡菜豚肉鍋。先黎一碟西班牙豚肉，脂肪分佈均勻，再黎一鍋豐盛包羅萬有蔬菜鍋。第一時間試下湯底，少少甜少少辣非常好喝，飲完個身即刻暖哂。再試豚肉，肉味香濃，厚薄適中，有咬感但唔會韌，十分好味。價錢方面雖然唔算十分超值，但成個體驗都值得一試。