湘舍壹號

營業中

休息中

灣仔華美粵海酒店有間高級湘菜,餐廳位於酒店1樓,環境優雅,以靛藍與墨玉色餐桌打造低調奢華感✨主打正宗湘菜,超抵優惠“商務雙人午餐”$400都唔使,就品嚐到咁嘅質素同環境真係性價比高,菜式豐富之餘亦充滿驚喜！餐前小食~蕃薯片用紅色古裝盒裝住紅烘乾嘅蕃薯片,薄脆如琉璃片,勁香脆又帶有天然甜味,作為餐前小食真係食唔停口！✨湘舍商務午市套餐🥢前菜~拍黃瓜非常爽脆,又有香辣味道,作為前菜,十分開胃！🥄湯品~筒子骨燉湖藕蓮藕好粉糯,筒子骨鮮香,上枱用火keep warm,熱辣辣,湯色如蜜好濃郁,好飲！🥢主菜 ~陽雀湖辣椒炒肉鑊氣沖天！炒肉超入味,青椒辣度適中,惹味十足,份量又多,餸飯一流！🥢小菜~砂鍋虎皮豆腐豆腐口感軟滑,配搭虎皮椒同肉碎,味道香濃,帶少少辣,豆腐吸收湯汁,真係好好味！🥢時令蔬菜嫩綠,青甜爽脆！🥢主食~東北大米飯米飯軟糯有口感,就咁食都好好食！🥄甜品~紅棗雪耳蓮子羹清甜滋潤,膠質掛勺,唔太甜,每啖都好滿足！