The Pearl

今次再到訪呢間餐廳，已經換上萬聖節嘅裝飾，迎接萬聖節當日嘅慶祝活動，餐廳仲有好多一位香港藝術家嘅作品，充滿着成間餐廳，中間有張大長枱都係出自呢位藝術家嘅手筆，環境舒適，職員好殷勤，嘢食超水準，超級推介！哈密瓜帕馬火腿沙律無花果缺貨換上嘅哈密瓜非常清甜，火腿唔會太鹹，同沙律菜非常夾，仲有黑醋汁可以稍為解膩。吞拿魚牛油果泡沫他他配自製羅勒油吞拿魚好新鮮，而且份量好多，夾埋口感清爽嘅牛油果泡沫，酸酸地，作為前菜非常開胃，比起出邊食到嘅吞拿魚他他，呢度無論係賣相定係味道都更勝一籌。和風醬油大蝦煙肉扁意粉和風醬油口味比想像中更出乎意料地出色，甜甜鹹鹹嘅醬汁估唔到同意粉係咁夾，大蝦爽脆有咬口，一隻都冇霉，仲有煙肉嘅油脂亦都帶出香味。香煎牛封門柳封門柳一向都係我首選食牛嘅部位，牛味重得來肉質又唔會靭，餐廳煎嘅火候啱啱好，鎖住入邊嘅肉汁，亦都保持到牛肉嘅嫩滑口感，而下面嘅薯蓉都好綿滑！Pearadise🍸Milk, Tea or Me🍹前者適合唔太識飲酒，但係想嗌酒精嘅人，好重梨嘅果香味，甜甜地，酒味非常輕；而後者嘅酒味比較重，亦都有酸酸地嘅果味。