影片
更多
2017-12-11
105 瀏覽
又有朋友帶我去食好野，佢話之前公司叫左呢間餐廳到會，覺得好高質素，一路都想堂食試下，今次帶埋我去。呢間餐廳都有分店係尖沙咀，天后呢間最多坐大概20人左右，最好都訂定枱，咁就唔會特登去到冇位喇。呢到主要都係食蠔同埋海鮮刺身，朋友book枱已經叫左餐廳訂左想食嘅海鮮，因為餐廳都好著重新鮮呢一點，所以唔係款款都會有貨，去到見到其他枱冇訂到就真係冇貨冇得食，今次朋友做到野呀👍🏻呢一座海鮮塔都係朋友發辦，底層有四款蠔，由左至右順時針（細細粒開始），Honey point（外國蠔，比較清甜，就算細細隻不過都係肥美，有個朋友唔係好抵受到蠔味都話呢款可以接受）、lambert (法國蠔，size 即刻有明顯分別，肉質鮮甜，比起honey point 味道會濃少少，係一款大部份人都鍾意嘅口味）、majestic (法國蠔，海水味會再濃少少，肉質相對簿身，不過連埋個帶子位食，勁鮮甜，甜味中和番海水味，一流。）最後選亦都係最大隻係La perie noire(法國蠔，肉質勁厚身，蠔味濃郁，口感好creamy,海水味亦相對最重，加少少檸檬汁配合番，呢款係我最鍾意。除左蠔之外，海膽亦都好出色。朋友訂左原隻海膽，
呢到主要都係食蠔同埋海鮮刺身，朋友book枱已經叫左餐廳訂左想食嘅海鮮，因為餐廳都好著重新鮮呢一點，所以唔係款款都會有貨，去到見到其他枱冇訂到就真係冇貨冇得食，今次朋友做到野呀👍🏻
呢一座海鮮塔都係朋友發辦，底層有四款蠔，由左至右順時針（細細粒開始），Honey point（外國蠔，比較清甜，就算細細隻不過都係肥美，有個朋友唔係好抵受到蠔味都話呢款可以接受）、lambert (法國蠔，size 即刻有明顯分別，肉質鮮甜，比起honey point 味道會濃少少，係一款大部份人都鍾意嘅口味）、majestic (法國蠔，海水味會再濃少少，肉質相對簿身，不過連埋個帶子位食，勁鮮甜，甜味中和番海水味，一流。）最後選亦都係最大隻係La perie noire(法國蠔，肉質勁厚身，蠔味濃郁，口感好creamy,海水味亦相對最重，加少少檸檬汁配合番，呢款係我最鍾意。
除左蠔之外，海膽亦都好出色。朋友訂左原隻海膽，其他枱想食都冇呀。原隻膽肉質厚，香甜，非常新鮮，係香港好少有咁靚海膽食，一d 苦澀味都冇，比味日本海鮮市場質素。加外再有一板韓國馬糞海膽，朋友就用日本紫菜包住食，我就成排放入口等佢溶化。第一款味道濃郁d,香甜，而韓國個款就比較清甜，兩款都係新鮮唔苦👍🏻
另外蝦類呢到都有好多款，scampi 係必嗌。（相最透明個隻）口款係紐西蘭scampi,我之前係澳洲fish market試過,已經一試愛上，可惜香港唔易食到，呢到有當然要試。size 當然冇外國咁巨型，不過呢個size 已經好足夠，呢款肉質好甜，口感有d似帶子，咩野sauce都唔用都完全唔會腥，蝦頭膏都好甜，原全唔苦👍🏻而另外地海紅蝦同法國藍蝦我都係第一次食，紅蝦蝦味好濃，香甜，肉質都同scampi比較相似，而藍蝦肉質係爽脆，比較有咬口，口感係完全唔同，都幾有驚喜。
我人生好似未試過食咁多唔同海鮮刺身，咁多款最值得一提嘅係原條象拔蚌，一開始食我都唔知係咩，淨係覺得好好食，好甜好爽口，同其他所有海鮮口感唔到，爽脆，我係咁食，朋友話我真係識食，原來呢到已經要$368，不過象拔蚌大條都要成千蚊，咁呢到呢個價錢都合理，最重要新鮮好食。
食左咁多刺身都要食番少少熱食，好多時食蠔/刺身餐廳熱食都係麻麻地，不過呢間連熱食都做得好好。我地叫左個黑毛豬扒，佢個sauce係帶有黑松露，不過絕對冇遮蓋左黑毛豬嘅香濃肉味，呢個配搭真係未試過，亦都配合得好好。而肉質亦都好嫩滑，唔會怕生亦唔會影響個肉質同口感。
西班牙黑毛豬扒
$295
17 瀏覽
0 讚好
0 留言
另外仲有個法國鵝肝忌廉意大利粉，淨係塊鵝肝已經值回票價，兩塊好大塊嘅鵝肝😍外脆內軟，入口溶化，意粉亦都好creamy，軟硬岩岩好。
法國鵝肝忌廉意粉
$198
12 瀏覽
0 讚好
0 留言
最後仲叫左個松露蟹肉意大利飯，全部食材都係我最鍾意，香噴噴嘅黑松露再加手拆蟹肉（蟹膏）一齊去煮嘅risotto,每粒米都吸收左精華，食落好香濃，口感亦都係同意大利食最相似，因為好多時係香港食risotto都係遍「林」，但正宗risotto係相對硬同埋有咬口，呢到做到喇。
松露蟹肉意大利飯
$218
19 瀏覽
0 讚好
0 留言
張貼
