燚 (已改名) 查看

前菜係煙三文魚沙律，用黑醋作沙律汁並打成泡沫上枱，賣相非常有心思，用泡沫上既好處係相對上無咁濃味，較fresh，挑戰兩杯啤酒8.5酒精濃度，店員都提醒要慢慢飲，入口容易夠凍好爽，跟住係巴馬火腿配希臘乳酪及三文魚子，以菠蘿醬做調味，甜酸得宜，火腿嘅鹹香味同乳酪好夾，之後點左法國生蠔六隻，每隻都好肥美，個人喜酒法國生蠔海水味較淡，味道跟鮮甜，可以嚐到生蠔真正嘅味道，接着係蒜香鮑魚多士同黑松露扇貝，配海鹽柚子泡泡，多士烘得香脆可口，鮑魚十分爽口彈牙，扇貝好香松露味，另外，鐵板燒東星班同廣島蠔同樣非常惹味，主菜我哋分別係秋田比內地雞扒，被稱為日本三大美味雞肉之一，肉質嫩滑，至於澳洲牛柳五成熟，亦好juicy，五成熟剛好，呈粉嫩色，沾少少鹽調味更好吃，最後黎個手工黑豚肉丸麵豉湯，味道香濃，而加拿大海膽炒飯則飯粒煙韌，炒得乾爽，絕對係回頭率極高既餐廳❤️