竹面譜

營業中

休息中

今晚同閨蜜去咗太子嘅「竹面譜」食晚餐，真係一個驚喜嘅發現！😍 餐廳雖然唔算大，但食物質素絕對有水準！🍢 炸花枝丸拼炸雲吞 ~ 花枝丸彈牙得嚟又唔會太粉，炸雲吞外皮酥脆，內餡鮮味十足，粒粒大蝦!! 🍤 脆炸鮮奶卷拼炸墨魚餅 ~ 脆炸鮮奶卷外脆內軟，奶香味濃郁，完全唔會膩！炸墨魚餅口感紮實，好出色！😋🍚 日本直送夢王蛋鹿兒島和牛飯 ~ 和牛入口即化，肉質鮮嫩多汁，配上日本直送嘅夢王蛋（可以揀生蛋或流心蛋），蛋汁同和牛完美融合，每一啖都係享受！🥩🍳🍜 豪華限量版 - 和牛花膠鍋配關廟麵 ~ 呢個鍋真係豪華到爆！和牛嘅油脂香氣同花膠嘅膠質完美結合，湯底濃郁得嚟又唔會太膩，關廟麵吸晒湯汁精華，食到最後一滴湯都唔放過！🍲🍵 自家制去濕茶、金銀菊花薏米 ~ 食完咁多好嘢，飲返杯去濕茶真係一流！可以揀少甜，清新解膩，金銀菊花薏米茶仲有清熱解毒嘅功效，飲完感覺成個人都refresh咗！🌼最後一定要提嘅係佢哋嘅自家制辣椒油，香辣得嚟唔會太嗆喉🔥總括嚟講，「竹面譜」絕對係太子區嘅隱世美食寶藏，而且價錢合理！💯