川味雞烤魚大王 (大河道)

營業中

休息中

荃灣真係有好多烤魚同雞煲食，今晚荃灣友帶我去食呢間夠哂地道，小店大約只有10多個座位，雖然今日係平日，而且仲未夠7點，但係已經差不多坐滿。朋友推介食烤魚，因為我唔食得辣，所以揀左個唔辣既口味，酸菜味，魚就有鯇魚、海鱸魚同魽魚三款揀，店員推介食魽魚，呢款魚比較冇骨同埋魚肉味較重，一上檯已經聞到個湯底非常香濃，少少酸味，但飲落好清甜，條魚都幾大條，條魚係先煎過，再烤，所以魚皮好脆，但魚肉依然好嫩滑，另外仲加左個墨魚咀咀丸，好彈牙。