潮盛館

營業中

休息中

潮盛館我真係食過好多次！由佢剩係得大角咀分店開始，去到我屋企附近都有，跟住觀塘、新蒲崗，見到佢蒸蒸日上，我都替佢高興嘅😝同埋喺美國嘅朋友每次返嚟都要食，另外有真正潮州朋友食過都話唔錯，質素有返咁上下！⭐️ 醉乳鴿一上枱個氣勢就好勁！乳鴿已經起晒骨，啖啖肉，入口好香嘅花雕酒香，未食過乳鴿咁有氣派！⭐️酒香鵝肝呢個係我香港食過最好食嘅潮式鵝肝，佢係軟腍腍咁樣，軟綿綿，潮式鵝肝整得唔好嘅話就好硬掘掘，我嗰時第一次食，真係哇一聲，好驚喜🥰🥰🥰⭐️蜜汁燒鱔燒鱔厚肉，有啲似日本嘅鰻魚，但係我覺得呢隻仲好食，因為比較爽口，鱔個皮又脆，今晚第二mpv 😝⭐️蜆蚧鯪魚球粒粒肥嘟嘟，好飽滿，用咗新鮮鯪魚肉剁成，唔會腥，蜆蚧鹹香味十足~