隨心 (已搬遷) 新店位置

鰂魚涌太古坊附近食店琳瑯滿目，有時經過都會選擇困難症，剛好發現一間店名就叫隨心，主打新加坡美食，剛好想食海南雞飯，就同朋友排隊試試。作為鍾意食海南雞飯嘅香港人真心覺得呢間抵食又好味，而且價錢都唔貴，環境亦都好寬闊，夜晚嚟到感覺靜中帶旺，餐牌亦都好多選擇，鍾意食東南亞菜式一定要試吓。海南雞飯海南雞飯雞肉肉質鮮嫩，完全沒有雪藏雞嘅味道，配合埋三種經典醬汁，確係好味。金沙魚皮鹹蛋黃魚皮，味道非常香濃滋味，而且魚皮炸得脆卜卜，份量亦都唔少，顏色望落去金黃，作為小食十分開胃。小食拼盤小食拼盤嘅小食會隨時更改，當日食嘅有炸鮮奶、炸蝦餅、雞肉串燒，有時諗唔到食咩都會點小食拼盤，啱晒同朋友兩個一齊分享，有串燒仲有香脆嘅炸鮮奶，咬落去鮮奶嘅留心甜甜地好滋味，串燒亦都非常柔軟，醬汁入味好吃。