○de▽ 鯛白湯らーめん

營業中

休息中

全間舖頭只有一個鯛魚湯頭、三款麵，我個人唔好鯛魚i.e鱲魚，所以唔啱我口味。舖頭座位有14-15個位，感覺有啲逼，食客多數係遊客，感覺香港人唔多。仲有比較少見係落單後即時俾錢。*鯛白湯 $138鯛白湯用真鯛+貝類熬製8個鐘以上，加熱後再用攪拌棒打至起泡。味道十分「魚」，鮮甜到似一整條魚直接變成一啖湯。湯頭冇隔渣，保留魚蓉口感，係幾有趣。附柚子醬可以自行配搭，但柚子味好淡，加乘效果唔係特別強。麵條硬度適中，掛湯又掛魚蓉，魚香、麥香兩者兼備。叉燒軟嫩，但肉味偏淡。