影片
更多
2025-02-03
155 瀏覽
同朋友一齊嚟咗呢間喺中環嘅樓上阿根廷🇦🇷餐廳🍽️食晚餐🤣雖然去過阿根廷🇦🇷布宜諾斯艾利斯同埋其他一啲阿根廷🇦🇷小城市旅行，但係對阿根廷菜🇦🇷一啲都唔熟悉，亦都唔識得分係唔係正宗阿根廷菜🇦🇷，淨係識得分好唔好食🤣，亦淨係知道阿根廷菜🇦🇷受多種文化同菜式 影響，當中當然包括阿根廷🇦🇷土著人民(Indigenous People in Argentina)嘅飲食習慣，同埋16世紀西班牙人🇪🇸喺殖民時期 Spanish Colonization 帶嚟嘅地中海飲食文化，仲有後來喺 19/20 世紀 由意大利🇮🇹同 西班牙🇪🇸 大量移民帶到阿根廷🇦🇷嘅影響，咁可以想像到阿根廷菜🇦🇷幾咁包羅萬有🤩；阿根廷人🇦🇷食好多牛肉，阿根廷人🇦🇷以鍾意食嘢而聞名，社交聚會通常以聚餐飲酒食嘢為主🤩$75「阿根廷🇦🇷 鹹味餡餃 EMPANADAS」：餐牌咁樣形容《Traditional Argentine savory pasties stuffed with a variety of fillings, served with fresh onion salsa》，口味揀咗「雞肉 Pollo」 ，有 Grilled
雖然去過阿根廷🇦🇷布宜諾斯艾利斯同埋其他一啲阿根廷🇦🇷小城市旅行，但係對阿根廷菜🇦🇷一啲都唔熟悉，亦都唔識得分係唔係正宗阿根廷菜🇦🇷，淨係識得分好唔好食🤣，亦淨係知道阿根廷菜🇦🇷受多種文化同菜式 影響，當中當然包括阿根廷🇦🇷土著人民(Indigenous People in Argentina)嘅飲食習慣，同埋16世紀西班牙人🇪🇸喺殖民時期 Spanish Colonization 帶嚟嘅地中海飲食文化，仲有後來喺 19/20 世紀 由意大利🇮🇹同 西班牙🇪🇸 大量移民帶到阿根廷🇦🇷嘅影響，咁可以想像到阿根廷菜🇦🇷幾咁包羅萬有🤩；阿根廷人🇦🇷食好多牛肉，阿根廷人🇦🇷以鍾意食嘢而聞名，社交聚會通常以聚餐飲酒食嘢為主🤩
$75「阿根廷🇦🇷 鹹味餡餃 EMPANADAS」：餐牌咁樣形容《Traditional Argentine savory pasties stuffed with a variety of fillings, served with fresh onion salsa》，口味揀咗「雞肉 Pollo」 ，有 Grilled Chicken, Oregano, Tomato；Empanada 呢個名係源自西班牙文🇪🇸 empanar，而 Empanada 喺西班牙🇪🇸以至歐洲同拉丁美洲都勁流行😋；呢度嘅 Empanada 大大隻外皮脆脆哋，雞肉餡料豐富，好味🤣
$98「生菜、蕃茄及紅洋蔥配紅酒醋汁 Mix Lettuce, Tomatoes, Red Onion and Red Wine Vinaigrette」：紅洋蔥生菜蕃茄做沙律簡單幾好食再加埋少少 Vinaigrette 唔會太酸仲好似落咗啲海鹽食落感覺特別清新🤩
阿根廷🇦🇷某啲地區例如 Patagonia 食羊多過食牛，咁我呢晚都食羊先得🤣；$358「烤羊架 Grilled Lamb Rack with Gremolata and Sweet Potato Purée」：烤羊架 叫咗 medium well 廚師控制生熟程度控制得幾好，羊架外邊烤到少少硬鎖住肉汁，裏邊嘅羊肉少少咬頭少少粉紅色相當 juicy🤣，仲有 Gremolata 醬食落感覺清新啲🤣，又有橙橙哋色好滑嘅番薯蓉可以食🤣，整體3個字簡單講：幾好食🤣
$98「香炒蘆筍 Sautee Asparagus」：蘆筍好幼身，可能咁幼身所以幼嫩爽脆，仲加咗啲蒜蓉、鹽、橄欖油等 落去炒，簡單好食😋
$278「香煎比目魚 Catch of the Day」：餐牌寫住《Daily Fresh Fish with Rustic Ratatouille & Crispy Basil Leaves》🤩；比目魚 Halibut 新鮮肉質鮮甜細滑煎得幾香口🤩；Ratatouille 係源自法國🇫🇷南部 Provence 同埋 Nice 嘅一道特色菜，係多種蔬菜嘅大雜燴，一般會用 櫛瓜、大蒜、辣椒、茄子、洋蔥、番茄 等，不過冇特定嘅材料🤩，呢間餐廳就用咗 茄子、洋蔥、蕃茄 等材料，辣辣哋配 比目魚 一齊食又係幾好食😋
張貼
