阿木台灣麵 (豉油街) (已搬遷) 新店位置

🇹🇼每次經過豉油街，都見到經常好多人排隊嘅呢間台灣菜餐廳「阿木台灣麵」。到底係乜嘢咁吸引大家光顧呢？咁啱有唔使排隊嘅下午茶時間，小編立即去試一試～🍜蕃茄牛肉牛筋麵（$71）：濃郁蕃茄湯底，一啲味精口渴感都無。酸菜比較淡口，有數片半筋半肉嘅牛肉片，以及大量青蔥。🥩家傳鹽酥肉（$40）：係豬肉條裹粉之後再拎去炸！肉質鬆軟，炸豬扒變奏版。分量十足，兩次三個人分都好足夠。餐桌上附有鹽酥調味粉，食客可以自行添加。🫔芝士肉鬆蛋餅（$44）：蛋餅餅皮好軟熟，肉鬆多到溢出嚟。肉鬆味道濃烈，稍為遮蓋咗芝士及雞蛋嘅味道。但係對於重口味，或是愛好肉鬆嘅朋友嚟講係好正嘅選擇。🥤凍柑桔檸檬紅茶（$12）：清爽，搭配油炸食物之好選擇。當然珍珠奶茶係絕對唔會錯嘅配搭。😗整體而言：1. 食品性價比高，道地嘅台灣風味。2. 座位相對緊密，餐枱相對細張。3. 阿木台灣生活百貨，直接訂購台灣美食。4. 喺附近又唔使排隊嘅話可以一試。5. 下午茶時間已經好多食物飲品售罄，想試多啲嘅朋友要早啲到訪呢～阿木台灣麵 地址：旺角豉油街60-102號鴻都大廈地下3-4號舖電話：98622272營業時間：11:00-22:15#香港食好