申子居酒屋

營業中

休息中

申子係間唔中想encore嘅餐廳！今日經開旺角諗唔到食咩就決定食佢！汁煮左口魚裙邊呢個差唔多每次必叫！左口魚裙邊燒完之後迫咗啤油脂出嚟勁香勁好食！加埋酸酸地嘅汁同三文魚子就解膩之餘又提鮮三文魚每塊三文魚都好厚身！而且好新鮮肥美！極上鹽燒牛舌芯牛舌燒到外皮焦香，入面就好juicy！洋風雞肉卷去骨雞髀肉連皮包住漬牛蒡紅蘿蔔，雖然連皮食但完全冇油膩嘅感覺，加埋漬物反而幾清新，雞肉都好嫩滑，有驚喜！廣島蠔鍋湯底勁濃郁勁好飲🥹蠔肉飽滿爆汁完全唔腥，啤大白菜同菇都吸哂湯汁超好食！燒飯團（蟹肉）外面脆卜卜好香口，好似平時啲飯焦咁勁好食！蟹肉都好有鮮味，我哋另外加咗隻日本蛋撈中間啤飯食😻勁滿足