影片
更多
2025-07-19
102 瀏覽
朋友仔生日我哋梗係乘機約埋一齊去慶祝啦！呢次揀咗去食比利時菜正呀喂。我哋揀咗喺中環呢間FRITES！去到嘅時候裏裏外外都坐滿客人，真係好耐未見過咁爆棚嘅餐廳。嚟呢度最開心係有好多酒揀！啤酒、烈酒甚至雞尾酒都有好多選擇啱晒我呢個酒鬼。今晚我就揀咗飲Hoegaarden嘅生啤有成500ml夠晒大杯好襟飲。呢度嘅生牛肉他他係用USDA菲力牛肉嚟整！食落好鬼軟糯而且一啲都唔腥肉鮮味濃，加埋雞蛋一齊食仲香滑呀。人多食凍肉拼盤就最啱！入面有風乾火腿、莎樂美腸同埋辣肉腸，仲有烤到香香脆脆嘅酸種麵包大家都食得好開心。香煎帶子個樣好似成幅山水畫咁好靚！原來綠色嗰啲係豌豆泥食落去好清甜，煎得夠金黃嘅帶子就好鮮味，呢個熱頭盤味道真係好唔錯。鍾意健康嘅就推薦呢個超級蛋白沙律！一碗入面有齊好多嘅健康元素，混上一個酸酸香香嘅柑橘醬食落開胃又好味。嚟呢間餐廳唔食青口等於冇嚟過！大家一致裁定要試東南亞叻沙味嘅青口薯條。青口唔會好大隻但係夠晒肥嘟嘟！配叻沙味好香口一啲違和感都冇，記住唔好放過佢哋嘅薯條啊真係堅好食。老婆大人最鍾意食意粉所以就叫咗海鮮扁意粉俾佢嘆！用白酒忌廉汁煮嘅意粉食落去好Creamy，加埋新鮮嘅虎蝦、
我哋揀咗喺中環呢間FRITES！去到嘅時候裏裏外外都坐滿客人，真係好耐未見過咁爆棚嘅餐廳。
嚟呢度最開心係有好多酒揀！啤酒、烈酒甚至雞尾酒都有好多選擇啱晒我呢個酒鬼。
今晚我就揀咗飲Hoegaarden嘅生啤有成500ml夠晒大杯好襟飲。
呢度嘅生牛肉他他係用USDA菲力牛肉嚟整！食落好鬼軟糯而且一啲都唔腥肉鮮味濃，加埋雞蛋一齊食仲香滑呀。
人多食凍肉拼盤就最啱！入面有風乾火腿、莎樂美腸同埋辣肉腸，仲有烤到香香脆脆嘅酸種麵包大家都食得好開心。
香煎帶子個樣好似成幅山水畫咁好靚！原來綠色嗰啲係豌豆泥食落去好清甜，煎得夠金黃嘅帶子就好鮮味，呢個熱頭盤味道真係好唔錯。
鍾意健康嘅就推薦呢個超級蛋白沙律！一碗入面有齊好多嘅健康元素，混上一個酸酸香香嘅柑橘醬食落開胃又好味。
嚟呢間餐廳唔食青口等於冇嚟過！大家一致裁定要試東南亞叻沙味嘅青口薯條。
青口唔會好大隻但係夠晒肥嘟嘟！配叻沙味好香口一啲違和感都冇，記住唔好放過佢哋嘅薯條啊真係堅好食。
老婆大人最鍾意食意粉所以就叫咗海鮮扁意粉俾佢嘆！用白酒忌廉汁煮嘅意粉食落去好Creamy，加埋新鮮嘅虎蝦、帶子同埋青口味道都唔錯。
嚟緊要食主菜梗係要叫多杯啤酒嘆吓啦哈哈。
牛扒薯條我哋揀咗肉眼仲配埋大量嘅薯條同埋沙律真係好大份吓。
切開牛扒嬌嫩嘅肉色活現眼前！食落去面頭焦香入面牛味都幾濃郁，呢個牛扒絕對合格有餘我鍾意。
呢隻霹靂霹靂烤雞原來係用三黃雞煮好吸引喎！雞皮整得夠香食落都唔會好油膩，雞肉食得到新鮮嘅味道，墊底有好得意嘅米形意粉呢個菜真係啱晒老婆大人食。
話明要同朋友做生日梗係要俾啲驚喜佢啦！一早同餐廳安排咗個生日甜品俾佢，餐廳嘅員工跳住舞咁出嚟同佢慶祝幾咁高興啊。
朋友嘅生日甜品係Waffle Bomb Alaska！成座山嘅阿拉斯加窩夫真係幾有睇頭，食落去仲好鬼香甜添希望佢鍾意啦。
張貼
