蘇山雞飯

營業中

休息中

長沙灣MCL睇完戲，見到門口好多人，就望吓個餐牌，見到有白胡椒排骨茶，就決定排隊試下，等咗一陣就有位入去！我哋兩個人，叫咗勁多嘢食，但係買單又唔貴喎！朋友叫咗個海南雞飯配冬瓜湯，個油飯好好食，好有味，我估個飯可能係炒過，真心唔係間間都可以煮到咁！至於海南雞，好Juice好嫩，我見朋友連啲雞皮都食晒！跟餐嘅冬瓜湯都唔細碗喎，我唔知個湯入邊嗰啲係咪雞腎，好好食，好足料！我自己呢，就叫咗白胡椒排骨茶湯米粉，佢個餐仲跟埋個油炸鬼，白胡椒味好濃，一字骨啲肉好林，好入味，另外想讚一讚啲豆卜，外面果皮好脆，浸返落啲湯度食，好似食緊炸響鈴噤！油炸鬼配返呢個湯，又係絕配！雖然佢醬料俾你點啲一字骨食，但係我都冇點到，因為啲一字骨已經好有味！另外仲叫咗個小食同埋兩杯嘢飲！小食叫咗超級邪惡嘅鮮油㗎央多士，一上到枱，真係超級邪惡😂 一定要趁熱食，鹹甜配搭得啱啱好！嘢飲我又係叫咗個超級邪惡嘅凍恐龍美祿，一啲都唔孤寒，超級濃！ 朋友就叫咗個凍柑桔蜜，我就冇試到，不過朋友話都好飲！總結，好味抵食，如果再去長沙灣，呢間必定係我嘅首選！