蘇山雞飯

營業中

休息中

咖央油條你食過未⁉️而家出左夏日Summer系列菠蘿冰、開心果椰子沙冰同埋咖央油條🔅叫咗兩份下午茶餐再加其他嘢食～#冰爽砂拉越菠蘿冰 🍍🍍🍍❣️用原個菠蘿整既沙冰🍧超級新鮮‼️清爽‼️濃濃菠蘿味，冰感唔重😉好滑～仲有啲菠蘿肉🍍好Freshhhhhhhh 🤩HKD48#雞翼 🐥唔好睇佢以為得三隻雞翼好似好少，其實係三隻雞全翼😚醃得入味～HKD42 下午茶#蜂蜜桔仔水 🍋‍🟩Free 跟餐#海南雞飯配雞雜冬瓜湯 🐤🍚海南雞去咗骨，雞髀位好滑，雞胸位啖啖肉唔柴😌油飯香，飯粒分明唔會太淋☺️HKD62 下午茶#檸檬薏米水 🍋Free 跟餐#海南豬扒咖喱配烤餅 🥘🫓海南咖喱帶少少椰香😗配酥脆嘅薄餅一流🤪略嫌啲咖喱汁唔夠多🤣HKD88#脆炸鳳尾蝦春卷 🫔香脆夠熱～叫主食可以半價加小食😉HKD20 （半價後）#咖央油條配薄荷朱古力雪糕 🍨咖央多士就食過🙈咖央油條真係第一次🤪油條微熱外脆，咖央醬搽咗喺中間，唔會太甜😌仲有啲朱古力醬同薄荷雪糕，整體幾特別唔會奇怪😀HKD38免加一服務費蘇山雞飯#fafafoodie_長沙灣

蘇山雞飯嘅海南雞不嬲都係信心之選，今次我哋就要咗半隻雞餐嚟 share，隨餐仲有附油飯同埋冬瓜雞雜湯。海南雞用咗油份較重嘅三黃雞，奉上嘅時候已經去好骨🐣 雞肉嫩滑有彈性，皮爽味鮮。最欣賞係佢唔帶一點血絲，食得更安心~記得食嘅時候要點埋醬汁更添風味。油飯用咗香茅、南薑、雞油等材料炒香，油香十足味道濃郁~加埋個冬瓜雞雜湯完美配搭。Share 嚟食咁自然就有空間食多啲唔同款式🤣 我哋另外仲叫咗唔同嘅小食：新加坡白胡椒肉骨茶 (輕怡份量) 新加坡式嘅肉骨茶飲落會無咁重藥材味，胡椒味會佔更高比重，入口帶有微微辣度🥵湯入面嘅排骨軟嫩~細細碗夠過癮~醬油雞腳濃濃嘅黑醬油香味，口味帶甜。雞腳唔會甩皮甩骨仲係彈性滿滿~麻辣玻璃魷魚通菜 魷魚質地彈牙，調味唔會好辣拌埋爽脆嘅通菜食惹味而不熗。飯後來點甜，試咗佢哋新嘅夏日甜品：咖吔油條配薄荷朱古力雪糕🍦 咖吔多就食得多，配油條真係第一次試~油條比平時嘅多士多咗一份鬆化嘅感覺，脆脆嘅口感加埋香甜不膩嘅咖央醬同埋清新薄荷雪糕，新奇有趣又幾特別~開心果椰子奶昔🥥 椰子怪魔一嚟就睇中呢款！入口滑溜而且滿滿嘅椰子清香令到飲落無一般嘅奶昔咁滯，然後後勁會有更濃郁嘅果仁香

小弟本身都幾鍾意食星馬菜，所以，以菜系而言，星馬菜確喺相對食得多。而呢一間「蘇山雞飯」長沙灣分店好耐之前都曾經嚟過，無論質素、價位都好啱心水，趁今晚無飯開就約咗住晌附近嘅表哥落嚟聚一聚，食餐星馬菜。環境就唔太多講，因為上次食評都有交代，簡單而言，地方夠大（分左右兩邊），地磚、裝修都帶點馬拉懷舊茶室風，啲卡位又寧舍大張闊落，舒服好坐。簡單嘅調味料、餐紙及餐具放晌枱邊，而呢度都喺用二維碼落單，合介面都易用，相信大家都熟晒點搞，不過，如果加配咖央多士一環可以加多欄「後上」就更貼心，唔使另外再同侍應講。由於二維碼落單，所以，都無問佢哋拎餐牌睇，好在臨走時見收銀旁有啲外賣單張拎，加上時隔年半，價錢都有所轉變（睇落無乜太大加價），掃瞄晒出嚟俾大家參考一吓。菜式嘅選擇由午餐、下午茶、招牌雞飯、推介、湯粉、蔬菜、小食、特色飲品到甜品，都充滿星馬風味，又有多種加配優惠，仲要無加一添，唔怪得咁多街坊幫襯。黑白雞飯 $93第一次去長沙灣店就食咗招牌菜「獅城芽菜走地雞飯」，第二次去太子店就試新嘢「牛車水醬油雞飯」，今次嚟見有款「黑白」，啱晒啦，一次過俾表哥試晒兩款招牌雞，仲配上雞雜清湯、雞油飯。一整盤套餐送上

**********火焰醬香椰子雞鍋🥥🐔（$168/半隻）🌟推介🌟用咗椰青水🥥做湯底，一滴水都唔加，完全識到椰青水嘅清甜上菜時店員會喺你面前倒一杯仔嘅醬香型嘅茅台酒，係會有酒味，但係非常香醇，加上一路煲住，啲酒已經揮發晒店員仲會教你滾咗之後，先飲湯，後食雞，味道好獨特，二雞肉滾到啱啱好，肉質非常嫩滑配埋油飯真係好夠飽**********麻辣玻璃魷魚通菜🦑（跟餐+$25）🌟推介🌟雖然係跟餐嘅小食，但係份量一樣多麻辣好夠辣，加埋爽口彈牙嘅玻璃魷魚🦑正👍🏻開胃又刺激**********豬肉串🐷（$38/3串）豬肉串甜甜地，識落有啲似台灣香腸**********開心果椰子奶昔🥥（$32）🌟推介🌟奶昔有超級香椰子味，好似食緊椰子雪糕咁**********砂拉越菠蘿冰🍍（$48）🌟推介🌟菠蘿冰成個菠蘿上🍍，勁誇張，啱哂打卡菠蘿冰就好似擺個攪拌機落個菠蘿度打蓉，原汁原味，非常解渴，天氣咁熱飲番杯就最啱❣️

成日經過都坐滿人，一直好好奇，今晚終於去試咗。舖頭好闊落，有卡位亦都有普通座位，所以多人小人都可以嚟食👍🏼\ 招牌海南雞＋油飯+雞雜冬瓜湯 /好欣賞佢海南雞又好唔同種類可以揀，亦都可以揀白飯或者油飯，最緊要佢會送咗個冬瓜湯，個人覺得冬天同夏天飲都幾清，唔係味精湯，我個人好鍾意個湯。海南雞好嫩滑，仲有三種醬可以自己揀點樣搭配，份量都好多，飯好香，個人推薦揀油飯。💙\ 黑白雞（海南雞＋醬油雞）＋油飯+雞雜冬瓜湯 /朋友就揀咗黑白雞，其實即係海南雞加豉油雞，一個餐可以試多兩種唔同煮法嘅雞，性價比都幾高！🫶🏻\ 冰爽砂拉越菠蘿冰 / 雖然未到夏天，但係其實呢個菠蘿冰係四季皆宜！用咗原隻菠蘿作為飲品杯，賣相非常靚，再配咗嚿菠蘿喺杯邊，插上裝飾太陽傘，夏威夷風情出晒嚟。菠蘿冰飲落味道唔係好甜，沙冰口感都好好，唔會太硬，亦都唔會太水。🥳\ 開心果椰子奶昔 /平時都好鍾意飲奶昔，不過開心果配椰子呢一個Compilation真係比較少見，但係又出奇地夾，椰子味好濃，開心果味都唔會好artificial🙆🏼‍♀️

之前去長沙灣食嘢已經經過呢間好想試，於是的起心肝約去食，唔約真係唔會去呢頭。雪糕班蘭奶茶雪糕係椰子味，不咗一嚿嚟食幾好食，不過班蘭奶茶就飲唔出斑蘭味，一杯淡啲嘅奶茶咁。咖央多士嚟到見到個牛油勁厚，好震驚！不過咬落原來剩係得半塊近切面嗰邊嘅牛油，但食到尾其實個量都夠，太多就太油膩太滯，但係斑蘭味就比較弱，主要都係食到鮮油多味。新鮮熱食都係好味嘅！辣醬玻璃魷魚通菜估唔到幾好食，少少辣味道豐富，而且跟餐加錢嗌都唔孤寒，好大碗。海南雞喇沙喇沙湯底唔錯，湯夠熱，油麵米粉各一半，又有豆卜又有魚蛋幾豐富！不過真係要趁快食，啲湯比麵吸收得好快。但海南雞就弱啲，以雞嚟講唔差，但就食唔出海南風味，有啲似白切雞，個海南雞辣醬都普通。椰子雞煲湯好清甜超好飲，忍唔住飲咗好多碗，椰肉亦爽滑。不過雞就真係冇乜味，完全要靠豉油去帶出味道，不過個豉油加咗辣椒青檸沙薑點出黎個味都唔錯，只係本身期望會有多啲椰味唔需要靠晒醬汁。跟雞煲個油飯都唔錯，其實都唔清楚呢種算唔算油飯，因為佢感覺完全唔油，同細個食啲飯嘅味道都唔同，比較乾身同埋重香料味，但係好食嘅。

今次推介大家呢間餐廳馬拉菜主打係海南雞飯海南雞飯當然必食推介油飯唔似坊間咁嘅顏色但無影響味道依然好食肉眼睇到啫喱就知幾滑餐湯好濃落左雞雜落去個人幾鍾意因為我會食咖喱牛筋腩乾撈老鼠粉坊間通常放湯好少乾撈呢個真係少見所以想試都幾足料大碗牛筋軟腍牛腩都易咬開咖哩香濃係面頭個桔仔唔知做咩直至食到舊掂到嘅牛腩就知原來係用嚟提鮮😂小食分別揀左拼盤通菜優惠價嚟講拼盤幾抵食一盤四樣野每樣有兩件雖然覺熱氣但好食就得通菜都算大碟炒得惹味見到好多檯都有叫抵食呢排咁熱飲品揀左新野開心果椰子奶昔正到爆一杯有齊最喜愛嘅材料飲落椰子味好出唔係滑因為有開心果嘅顆粒感滲出淡淡嘅果仁香大愛砂拉越菠蘿冰打卡感強原個菠蘿打冰直接上檯酸酸甜甜又夠冰凍爽爆—————————————————————🔸 娘惹咖喱牛筋腩乾撈老鼠粉 $149 特色小食拼盤 開心果椰子奶昔🔸 招牌海南雞飯 $154 參巴辣蝦醬通菜 冰爽砂拉越菠蘿冰

由於謙謙太掛住 Sean 所以我地又約見面了，搵地方食野可以比佢兩個聚下，我地媽媽們又吹下水，估唔到5點半多來到蘇山雞飯仲趕得切叫下午茶喎！下午茶有d 餐抵d 緊係拿拿趕落單啦！下午茶4份⬇️⬇️⬇️✡️ 星洲喇沙摻摻 +凍恐龍美祿✡️ 地道白咖哩魚餅扎肉老鼠粉 + 乳酸碟豆花梳打✡️ 招牌海南雞飯配油飯+雞什冬瓜湯 2份 + 桔仔菠蘿梳打水 + 凍香矛薄荷特飲下午茶餐抵食到暈，份量冇減，用料十足加特飲都係加12蚊，我地呢d鍾意食早飯的人啱哂。海南雞好滑溜，沾黑醬油和葱油絕對可以食哂碗油飯。 喇沙湯底夠哂濃郁，配上摻摻好夾。而我碗老鼠粉個白咖哩係好香椰奶味的一口連湯連粉食超正。四杯飲品除左打卡靚，每杯都各有特色，亦唔會過甜抵讚。小食方面我地點左呢到必食的鮮油咖央多士，一層厚切鮮油超邪惡呀！ 小食拼盤啱哂小朋友，而我最喜歡就係食呢到個串燒，牛肉串燒得剛剛好夠腍又有肉汁沾佢d 沙嗲醬個花生超香， 最後個惹味馬拉盞椰菜苗添。

今日約咗朋友拎嘢 大家都未食飯所以去咗 呢間餐廳 食下午茶, 諗住佢下午茶海南雞飯細細粉, 朋友點咗老鼠粉, 點知一嚟好似常餐咁大份, 我哋點咗串燒, 小食拼盤, 仲有呢度嘅招牌 之一嘅 鮮牛油 咖央 多士, 你睇下 呢塊厚切嘅牛油 ,真係飽到晚飯都唔使食, 下午茶套餐加12蚊 仲有 靚靚大大杯嘅特飲, 忍唔住真係 嚟個特飲大特寫, 海南雞啲飯 真係好食到停唔到口,好香, 仲有我哋 叫咗雞雜湯跟套餐, 啲湯 雞味香濃 仲有雞腎同雞潤食, 仲有肉骨茶畀你揀, 四個人 坐得舒服, 食得勁飽, 每人百五蚊都唔使, 推介推介

肥妹之前同朋友都食過蘇山雞飯見推出新菜式，特別原個菠蘿菠蘿冰瞬間心心眼約朋友嚟食❤️店內環境闊落，座位亦舒適採用深色木系傢俬且燈光光猛✾ 火焰醬香椰子雞窩（半隻）跟油飯 $168一上枱店員就會淋上醬香型茅台酒隨即點火，酒香四溢！茅台酒亦浸入椰子雞中湯底喺純椰青水，完全冇加一滴水入口相當清甜且散發淡淡酒香同朋友密密飲湯，而走地雞份量都唔少肉質緊緻富肉香，搭配油香乾爽油飯✾ 醬油拼盤（加配） $39雞腳｜豬手｜雞蛋睇啲色水就知夠入味，帶濃濃醬油香但唔會好鹹最喜歡豬手夠軟腍，豬皮QQ彈彈充滿骨膠原✾ 冰爽砂拉越菠蘿冰 $48原個菠蘿超搶眼，充滿夏日風情入口冰爽消暑，滿滿酸甜菠蘿果味✾ 開心果椰子奶昔 $32最近好Hit 開心果搭配椰子，你試過未？嫩綠幼昔入口幼滑濃醇，甜而不膩濃濃椰子清香中帶點開心果堅果味

鮮油㗎央多超邪惡，厚切鮮油毫不吝嗇，香脆即烘多士 㗎央醬，牛油會溶快啲食招牌海南雞配油飯，冬瓜雞雜湯清甜，有雞雜有誠意好滑好正，雞皮比喺一般深色，食落好似已經調左味咁，可以唔使點醬都已經好有味道，三隻醬包括酸辣，薑蓉，甜醬油，三款都好好味。油麵溝米粉 喇沙挫摻摻，足料，蝦，青口，白魚蛋全部都每樣有2件新加坡潮式肉骨茶做法以胡椒味行先 即使係咁湯底亦做得比較清淡易入口 食唔慣重口味嘅都一定一試難忘🤩煲湯時仲加入豆卜 吸盡肉骨茶精華 一咬噴湯 胡椒味持續喺口腔徘徊青檸菠蘿梳打，呢杯野飲超岩夏天飲！甜甜地又有氣，簡直透心涼呀❤️個賣相仲好夏日😀椰青，清新香甜超解渴，連椰青肉都食得一乾二淨😋椰肉係超多好嘅功效架！大家平時飲都唔好曬左佢呀～