影片
更多
2024-10-14
443 瀏覽
長沙灣呢間蘇山雞飯, 仲有另一間分店係太子; 餐廳裝修整整齊齊, 環境又舒服, 有一邊黑白地磚帶點馬拉懷舊茶室風味, 而且座位算闊落; 餐廳使用電子下單方式, 上菜速度快! 呢度啲下午茶餐真係抵食, 份量同午餐份量冇減, 用料十足, 加特飲都係加$12!海南雞飯配雞雜冬瓜湯/輕怡肉骨茶-下午茶 - $62 / $72味鮮海南雞用咗油份較重嘅三黃雞, 海南雞去咗骨, 雞胸位啖啖, 雞肉嫩滑有彈性, 皮爽, 我地配咗白飯, 飯粒分明唔會太淋; 再配埋新加坡白胡椒肉骨茶(輕怡份量), 新加坡式嘅肉骨茶聞起來好香藥材味, 但飲落又無咁重藥材味, 胡椒味會佔重比較高, 入口帶有微微辣度, 飲落好舒服, 湯入面嘅排骨軟嫩, 豆卜又吸哂啲湯, 好味唔錯。娘惹咖喱炸雞配椰漿飯-下午茶 - $58椰漿飯配有叄巴醬, 乾魚仔, 花生, 咖喱係馬來西亞風味, 香辣得嚟帶有椰漿味, 伴埋一齊食好惹味, 唔食餸都得呀! 碟飯仲配咗隻滷蛋, 而個椰漿飯加咗班蘭汁去煮, 一身青綠, 班蘭本身嘅味道唔強, 煮出嚟嘅飯都唔會話食到好大陣班蘭味, 飯粒分明, 但賣相吸晴好吸引, 入口軟熟呀! 炸雞脾唔使講, 啱啱炸圯,
海南雞飯配雞雜冬瓜湯/輕怡肉骨茶-下午茶 - $62 / $72味鮮海南雞用咗油份較重嘅三黃雞, 海南雞去咗骨, 雞胸位啖啖, 雞肉嫩滑有彈性, 皮爽, 我地配咗白飯, 飯粒分明唔會太淋; 再配埋新加坡白胡椒肉骨茶(輕怡份量), 新加坡式嘅肉骨茶聞起來好香藥材味, 但飲落又無咁重藥材味, 胡椒味會佔重比較高, 入口帶有微微辣度, 飲落好舒服, 湯入面嘅排骨軟嫩, 豆卜又吸哂啲湯, 好味唔錯。
娘惹咖喱炸雞配椰漿飯-下午茶 - $58
椰漿飯配有叄巴醬, 乾魚仔, 花生, 咖喱係馬來西亞風味, 香辣得嚟帶有椰漿味, 伴埋一齊食好惹味, 唔食餸都得呀! 碟飯仲配咗隻滷蛋, 而個椰漿飯加咗班蘭汁去煮, 一身青綠, 班蘭本身嘅味道唔強, 煮出嚟嘅飯都唔會話食到好大陣班蘭味, 飯粒分明, 但賣相吸晴好吸引, 入口軟熟呀! 炸雞脾唔使講, 啱啱炸圯, 夠哂熱辣辣, 又夠香脆, 又夠嫩滑。飯面仲有一片大大片嘅蝦片, 脆卜卜, 過下口癮都唔錯!
小食拼盤 - $98
小食拼盤一盤四款唔同食品, 每樣有兩件; 有雞翼, 泰式魚餅, 脆炸鳳尾蝦春卷, 豬肉串, 真係好吸引; 雞翼炸到香脆可口, 但係雞翼仲喺保持到有肉汁; 魚餅炸到好香口, 入面有好多芫荽等香料, 都幾彈牙, 配上泰式辣醬甜甜辣辣食都唔錯; 脆炸鳳尾蝦春卷, 入面有滿滿嘅蝦肉同蟹肉, 而且春卷皮係網紋, 好薄夠哂脆; 順化豬肉串係將豬肉整成腸用竹籤串起, 豬肉好香又有肉汁。
乳酸碟豆花梳打(跟餐轉) – 加$12
呢杯乳酸碟豆花梳打飲品除咗打卡靚, 而且好有特色, 唔會過甜; 碟豆花本身冇咩味, 所以飲落只有少甜嘅乳酸同梳打, 唔錯呀!
超冰凍椰青(跟餐轉) – 加$28
椰青都夠凍, 味道好清甜可口, 椰子肉勁多勁厚, 有淡淡嘅甜味, 夠出色！
呢度免加一服務費, 真係好抵食呀!
張貼
