金西南米線

營業中

休息中

有時會去開銅鑼灣做野，港島區食野一向都唔平，由於我係長崎良美，去親銅鑼灣都會發挖下有咩平價餐廳。有朋友推薦我試試金西南米線，我都食過幾次。呢間米線鋪地方細細，飯點時間都係要搭檯，不過好在侍應會係中間放屏風。由於兩點鐘之後係下午茶時間，有野飲送，通常我都係揀豆漿，味道正常。我揀左小鍋米線，利申唔係好食得辣，湯底就揀左清湯多酸，因為食過幾次微辣，一係就岩岩好，一係就辣到食唔到，辣度唔係好穩定。餸就揀左松茸同竹笙，松茸本身係有輕微辣味，所以配埋清湯岩岩好，口感滑滑爽爽，而竹笙都爽脆吸湯。總括嚟講，味道唔算驚為天人，但43蚊仲有野飲送，係銅鑼灣算係非常抵食。