金西南米線

營業中

休息中

記得30多年前第一次接觸雲南米線是在荃灣某間小店！由位來自雲南的叔叔烹調出極度鮮香的過橋米線還有足料香濃的汽鍋雞，到今時今日我仍然念念不忘那味道，可惜當叔叔急病走了之後便沒機會再品嚐了！但我仍然喜歡吃米線之前試了間我挺喜歡的就來跟大家分享。這間位於銅鑼灣登龍街的金西南米線原來也有點歷史！廳地方不大平日晚飯時間也需要等位呢。餐廳內大家也坐得非常親密！舒服說不上但很喜歡職員的服務態度，甫坐下就會送上QR Code下單選好很快便會送上，飲品選了凍檸茶和凍豆漿前者茶香不俗後者富豆香。藤椒魚皮是一人餐中的小食！魚皮口感勁爽脆沒有一絲泥味，配搭滕椒的麻香味吃得十分過癮。涼拌米線熱撈配金獎腩肉及鹽香手撕雞$71！涼拌米線可以選擇冷或熱撈我們選擇了後者，遷就車爸爸選了小辣對我來說當然吃得不夠過癮！米線夠爽滑加上酸菜花生等配料吃下去挺香口，微辣的金獎腩肉質感好香軟很惹味，而鹽香手撕雞則鹹香不嚡口，兩款配菜我都非常喜歡。酸辣小鍋米線配金獎腩肉及滷水豬大腸$76！這個是一人套餐的米線，湯底酸麻辣都做得恰好，滷水豬大腸有那靈魂味道夠淋香，這頓吃罷沒有口渴的情況真心不錯吃。這間金西南米線出品我覺得非常不錯，唯獨

2:30入座已經大概坐滿八成但當我點完餐之後有其他空位，希望可以調去隔籬枱冇人喺對面，因為張枱勁細勁迫成間舖都勁細。 問一個後生男職員可唔可以掉位？佢即刻話落咗單之後唔可以調位 ，我只係啤咗佢一下，佢即刻勁惡咁樣大聲鬧我話：唔使咁樣啤住我嘅！ 勁差態度 如果唔係已經落咗單，我一定走 食碗米線竟然俾人鬧 食物方面平平無奇其他米線鋪更加出色 腩肉好多肥膏啲肉碎好韌 一定唔會再幫襯 ！！！ 大家都小心各位後生男員工竟然可以鬧客人

📍🇭🇰 金西南米線.天氣涼涼地，非常適合行街食嘢，下午茶時間嚟到銅鑼灣登龍街，零零舍舍見到一間餐廳好多人，望一望係食米線嘅。出於好奇心，就入咗去喇。.由於咩都未食過落肚嘅關係，兩隻化骨龍係咁點，結果食咗呢啲嘢：.📌 1人餐 | 酸辣小鍋米線- 米線小辣- 配魚肉春卷- 配日本磐魚豆腐-星星- 加小食：藤椒魚皮（細）- 加凍豆漿.📌 自選涼拌米線- 米線加底（熱撈）@$5.0小辣- 多芫荽- 多蔥- 多花生- 多汁- 配金獎腩肉（微辣）- 配滷水豬大腸- 配肥牛- 配滷水雞翼- 配竹笙- （凍）齋啡- 加食小食：麻辣手撕雞及生菜（1碟）.首先，對於一個唔食辣嘅人嚟講，呢個米線小辣都真係幾辣，一路食，頭殼一路噴煙。不過都辣得幾過癮，配料都整得唔錯，特別係個腩肉，恰到好處！另一個重點係花生，真係好多花生，食咁多花生真係開心🤤！.魚肉春卷肉質結實有口感，表皮咬落唔會韌。仲有個藤椒魚皮，又係好辣，但係非常爽口。手撕雞有驚喜，雞肉嫩口，美中不足係份量比較少可以大份啲。

🌶️銅鑼灣金西南米線!酸辣小鍋米線下午茶!😋 #思思賢美食推介 #chillmybabe今日去銅鑼灣開會,順便食咗金西南米線嘅酸辣小鍋米線下午茶!🍜 好鍾意佢哋可以自選配料､辣度､米線份量等等,夠晒flexible!🌶️ 我揀咗金獎腩肉､少米線､小辣､多芽菜同多酸菜!🤤金獎腩肉真係名不虛傳!份量十足,入口鬆化,正!👍🏻 湯底酸酸辣辣,好開胃,加埋芽菜同酸菜,口感更加豐富!😋 米線彈牙,掛湯一流!👏🏻唯一缺點就係座位比較窄,一個人食都要搭枱｡如果趕時間嘅朋友,建議買外賣會比較好~整體嚟講,食物質素高,價錢合理,值得一試!💖

身為米線愛好者依間喺登龍街嘅【金西南米線】真係要try try佢！裝修完光鮮左好多！碗麵重係大大碗完全冇縮水😍依家重變埋做QRcode落單叫左個腩肉豬大腸米線，加多碟菜同凍檸茶真係好完美嘅配搭！米線湯底嘅米好濃郁，配菜都好足😍

全間鋪的所有職員都是黑口黑面，態度極差 。 食緊的時候，會有一個阿姐企喺你前面翹起雙手黑面 。當你放低雙筷，她便馬上拿走你的碗 。原本抱著好奇的心情去嘗試，結果卻讓我失望透頂。首先，服務態度真是差得令人難以置信。服務員不僅不熱情，還對我們的要求顯得十分不耐煩，讓人感到非常不舒服。更糟糕的是，食物的味道也讓我失望。點的幾道菜不但上菜速度慢，味道更是平淡無味，毫無新意。特別是他們的招牌菜，口感乾柴，讓我不禁懷疑這道菜是否真的有經過專業的烹飪。整體來說，這次用餐經驗不僅讓我感到浪費金錢，還浪費了寶貴的時間。如果你正在考慮這家餐廳，我強烈建議你放棄，選擇其他地方享受美食。服務和味道的雙重失敗，絕對不值得再回頭一次。希望我的食評能幫助到你們！

一心諗住去登龍街食下嘢 , 行過呢間舖頭我見到啲米線好似幾好咁及都坐到8成枱（可能係星期日及下午茶時段） , 於是同太太就入去試下 , 起初企門口戴眼鏡阿姐安排一張靠牆已有2位坐外面用餐中既4位檯比我地坐埋邊 , 因為當時拎住太多嘢所以同阿姐講太迫坐唔到要求喺門口等其他座位 , 該位阿姐就隨即黑口黑面及依依哦哦表現出極不滿 ,又話係咁㗎啦想坐咩位呀 , 哈 ！ 原本我都想離開唔幫襯 , 但係當時心諗佢服務態度咁差係咪好食到唔需要服務呢？我哋係門口等左約5分鐘見到有兩位枱既客食完但係冇人出嚟招呼 , 我又睇下佢哋點樣 , 我又繼續喺門口排隊約5分鐘, 嗰位企門口戴眼鏡阿姐黑口黑面咁先至出嚟問我係咪排緊隊（好野👍當時門口得我哋排緊隊）, 我又隨即答佢之前已經講咗畀你聽喺門口繼續排隊 , 佢就安排咗我哋坐係張2位枱 , 之後我哋叫咗兩碗米線其實食落真係一般 , 好多米線舖頭一定好食過佢地 , 真係唔明點解會仲有人幫襯 , 係咪大家都習慣咗呢啲服務態度先至係香港嘅特色 , 真心講真係唔會有下次 , 大家如果想去幫襯一間出品一般而又要畀企喺門口戴眼鏡阿姐黑面既話你就去食啦（不過我覺得佢應該係有

登龍街一向多嘢食，又多小店，食物平靚正。米線嘅話，一向食開金西南，簡簡單單一個餸嘅米線大概四十零蚊。今日行開嗰頭，見到餐廳全新裝修，感覺更加摩登，嗌嘢食用QR code落單，更加方便。更加推出咗一人餐，價錢$68 ，包一碗米線兩個餸，一款小食，同埋一杯嘢飲，價錢好實惠。特別推介招牌腩肉同豬大腸，好惹味。亦都是咗藤椒魚皮，魚皮爽脆，越食越滋味碗麵嘅份量真係好大，配菜好多，仲可以叫佢加大韭菜芽菜花生等配料仲要薯粉唔使價錢，抵讚反而佢杯奶茶麻麻哋😵‍💫同埋座位比以前逼夾😥

經過發現依間裝修靚靚仔仔既食店，以為係 cafe / 食東南亞菜，睇返 ᴏᴘᴇɴʀɪᴄᴇ 原來已經開業多年，最近重新裝修，變埋掃 ǫʀ ᴄᴏᴅᴇ 落單，簡單快捷又清晰。○ 熱 撈 薯 粉 // $38可以揀熱撈或者涼拌，係超級大碗夠肚。薯粉係幼身嗰種，食落非常Q彈又索汁，口感爽滑，唔中意食薯粉都可以揀米線。本身配料已包括辣肉碎、酸菜、莞茜、蔥、花生，再加兩個餸可以自由配搭。今次試左金獎腩肉 (+$9)、牛肝菌 (+$9)、滷水雞翼 (+$9)微辣腩肉大大片，肉質爽嫩，好惹味！牛肝菌既質感幾特別，香濃之餘又唔會太辣。另一碗就揀左鹽香手撕雞 (+$9) 同埋通菜。雞件以鹽水醃製，慢火烹調後再手撕成一條條絲，雞肉唔會太柴，而且鹹味恰到好處。飲品方面跟凍豆漿係免費，另外都可以揀其他茶記飲品 咖啡 / 茶 / 檸蜜 / 汽水。忌廉竟然有得加檸檬，味道又幾特別似波子汽水。最近天氣又突然變凍，一碗熱辣辣嘅薯粉真係無得輸！唔中意食撈麵都可以揀有湯既小窩米線，另外仲有幾款小食例如藤椒魚皮。晚市超旺場，7 點已經坐滿人門口仲有 1x 人等位，想試都有心理准備可能要等一陣。ꕀ

未裝修之前成日食，雖然個地方舊，但總括反而重好食，而家員工態度又差，啲眼神非常唔友善，價錢感覺都比以前貴左，諗住好耐無食，過下癮，覺得無呢個需要了。唔好再信啲留言啦，大家肯定無食過啲好食的米線，中意味精既就去食啦

依間米線轉薯粉，居然唔使加錢，真係好感動🥹🥹平時去其他米線店都要加錢，所以真係覺得依間米線店好抵食又有良心🥰🥰而且佢啲小食都好抵食😋我叫一份燒賣或者魚蛋，都只係$12就有而店員嘅服務都好好當我唔小心撞跌咗嘢食嘅時候，佢哋都會俾返一盤新嘅我🥹真係好有心🥹🥹嘢食方面都OK，有湯嘅米線，亦都有熱拌或者冷拌米線，選擇都好足夠而且佢哋嘅湯米線，米線真係會入味，可以選擇嘅餸菜都好足夠✨✨唔怪得知 每次午市或者晚市去食嘅時候，都好容易見到佢大排長龍

之前去維園行完花市，順便喺銅鑼灣搵下有咩好食🤣天氣凍就想搵啲熱辣辣嘅嘢食，見到金西南米線有酸辣米線食，就入咗去試試😄我嗌咗個$68 一人餐🔸酸辣小鍋薯粉，配金牌腩肉+墨魚頭 (好驚喜，好少米線舖有👏🏻)🔸包一個小食，我揀咗麻辣手撕雞，雞肉唔嚡都幾嫩，仲有隻雞翼尖㗎🔸仲有杯嘢飲港島嚟講，價錢算正常男朋友就叫咗$38自選涼拌🔸熱撈涼拌薯粉配手撕雞(+$9)+鯊魚丸(+$6)🔸再加咗藤椒魚皮(+$25)，呢個係重點，魚皮好爽口，酸酸辣辣幾開胃✅環境唔大，雖然位置唔多，但伙記都無趕住收嘢趕你走咁

外賣話等20分鐘，結果由1點16分等到1點50分都冇，問門口個店員，提出如果唔可以做到就唔好話20分鐘，門口那位話大概，雖知大概，但都等了接近35分鐘，再追問那店員，竟然大大聲話唔關佢事，係廚房，叫客人入廚房講，最後選擇退錢，乜嘢金牌，乜嘢排隊都係假，咁樣同客人嘈

中午見到一間鋪仔細細但超多人排嘅米線鋪頭好爆滿 感覺一定好唔錯啦而且係Scan QR code落單都好智能化令到上菜都快左好多🍜【一人套餐酸辣小鍋米線】 HKD 73তততততততততততততততততততততত面盤一樣大嘅一碗米線非常抵食米線順滑Q彈再加上酸辣湯 恰到好處+ 金獎腩肉（微辣） 金獎腩肉果然名不虛傳肥瘦比例絕佳👍🏻肥而不膩+ 魚肉春卷魚肉鮮美飽滿無腥味🐟【藤椒魚皮】 跟餐 + HKD 5 তততততততততততততততততততততত有驚喜呀🤩切到薄身嘅魚皮一啲都唔腥之餘仲好爽脆後勁啲藤椒辣味慢慢滲出嚟辣得好過癮🐔【麻辣手撕雞 】 HKD 38 তততততততততততততততততততততত真係好麻好辣🔥雞肉嫩滑好惹味但如果唔係好食得辣嘅朋友就叫酸辣手拍青瓜啦

周圍都食米線｜要搵間出色嘅真係有難度！最近經過銅鑼灣又真係比我搵到一間平靚正米線！套餐抵到不得了！大家都鍾意食嘅腩肉，依間仲要係獲獎㗎！1人餐(酸辣小鍋米線) $68起1人套餐包2餸＋1款小食＋1杯飲品，依個價真係唔係度度有！小鍋米線配料有：秘製辣肉碎、韭菜、酸菜、芽菜、花生、芫荽、蔥都幾多元化。除咗腩肉，平時食米線好少見有嘅松茸、牛肝菌依到居然有！仲要係微辣，即刻加餸！太多餸想試最後試咗以下幾樣：金獎腩肉(微辣)：非常入味！越食越惹味，腩肉唔會太肥脂肪分布適中，難怪攞到金獎！必試！松茸(微辣)：松茸好少米線店有得食，見到有即刻要試，本身松茸無咩味，依到加咗微辣就突出埋松茸味，健康又好味牛肝菌(微辣)：又係少見嘅餸，一樣用微辣帶出牛肝菌味，原件上無切碎，份量都多好抵食！竹笙：爽滿湯底味，一咬爆湯勁正，竹笙都幾長，無剪到好短，又係抵食！蘿蔔：清甜+入味，米線至fresh首選套餐小食：椒鹽炸魚蛋：魚蛋炸到好香口，加上椒鹽帶出咸香味，仲有辣醬做醬料，鍾意食辣就要試杯品：豆漿：香濃豆味，味道唔太甜炸海鮮卷(配沙律醬) $25網卷炸到卜卜脆勁有口感，咬開有海鮮、紅蘿蔔，點沙律醬食勁滋味酸辣手拍青