粗菜館

營業中

休息中

好耐冇食過炒小菜，今晚收工就相約好友，到九龍城的粗菜館聚餐，品嘗一下鑊氣十足的小菜！蓮藕豬骨老火湯，材料十足，蓮藕豬骨煲得夠晒火喉，湯有香濃號味道，養生暖胃，啱晒我哋呢啲冇湯水的人任，滋潤吓身體。薑蔥炒魚雲，魚雲先炸後炒，再加上薑蔥同椒鹽炒，香噴噴又有脆口感，魚雲內裡嫩滑，果然有鑊氣。XO醬鮮蝦帶子炒西蘭花，蝦球同帶子都鮮彈爽口，西蘭花炒得剛好，入口清脆，XO醬帶些辣令人開胃。南乳粗齋煲，材料豐富有蓮藕、豆腐、菜🥬、支竹、芹菜、冬菇同埋大量粉絲，南乳煮得香濃夠晒入味，很合我地胃口。食炒小菜總要有支藍妹啤酒🍻嘅。