影片
營業時間
今日營業
11:30 - 22:30
星期一至日
11:30 - 22:30
以上資料只供參考, 請與餐廳確認詳情
邊度食到乾淨、夠鑊氣、服務good 嘅地道小炒？啟德體育園同站嘅 #粗菜館 就有啦😌一講起粗菜館，一定諗起 #蔡瀾 #老字號 #地道以前去九龍城就一定揸車🚙，而家真係好方便，粗菜館係正宋皇臺地鐵站口🚇。第一次食氣氛超正，相信我哋好快變熟客😝出面小店水準唔穩定，呢度就唔會有呢個問題，因為廚師都係呢度炒咗30幾年餸嘅兩位老板細佬我哋坐喺門口張枱，每個客人一入嚟就問有無老火湯🥄，我哋即刻點一煲🍯今日係西洋菜豬骨湯🐷。好夠火喉，西洋菜都煲到就嚟溶了豬油渣炒時菜🥬，一見到豬油渣炒就知呢個菜會幾翠綠爽甜招牌炒豬雜🐷，一碟用上大豬、中樞與豬嘅不同部位先可以製成，老板話好多廚師👩🏻🍳嚟偷師🤫，但都唔成功招牌炒魚腩🐟，魚皮係睇得到咁脆，魚腩亦都好結實唔會散開晒，爽脆甜香山楂醬排骨🍒，由新鮮山楂製成醬汁炒排骨，排骨外脆內軟，最喜歡呢個山楂汁，除咗酸酸甜甜之外，仲有一份清香👍🏻本來以為老字號嘅服務態度都好一般，但係呢個老細就好親切🥰見我哋係生客，做成日走埋嚟介紹菜式嘅煮法同埋佢哋嘅歷史❤️呢種港式鑊氣小炒，同朋友或者屋企人嚟食都一定好開心😘
繼續閱讀
✨滄海遺珠美食推介 「九龍城粗菜館」✨九龍城衙前圍道17A號地舖超有特色嘅香港廣東菜 食出8、90年代味道嘅餐廳 😋😋💯「招牌炒魚腩」💯✅每日限定數量保證一定新鮮，完全無魚腥味😍✅香口又惹味 魚皮咬落時脆香口感🥰✅魚肉拖以薄薄粉漿炸之，這樣保持魚滑肉嫩，但不失爽脆✅用了蒜頭薑蔥炒蒜頭，蒜頭竟然一啲都唔辣，第一次食甜嘅蒜頭🧄，超有驚喜❤️🥰中意食魚嘅人會好中意🥰連我唔中意食魚嘅人都好中意🥰💯豬油渣炒時菜💯✅菜心嫩口入味😋💯「豬油撈飯一桶」💯—大約三碗飯✅招牌菜豬油撈飯果然冇令我失望，自己落豬油加少少甜豉油落飯撈勻食，根本可以只食飯唔使食餸都夠曬味😋歷史嘅味道：🍚豬油撈飯在舊時的香港社會貧困，很少能吃肉的替代品。如今每頓有肉，卻反倒覺得豬油撈飯格外有特色呢！🤤🤤💯「老火靚湯」💯✅湯味道清甜，不含味精，✅唔會話太鹹，清潤嫩胃✅真材實料，材料有羅漢果、蜜棗、陳皮等，猛火煲滾之後慢火 煲足4個鐘—————————————————————————粗菜館於 1992年成立於香港。店內掛著不少鏡子，鏡面上己有不少名人名星的簽名，見牆上掛左個大大的字畫，有蔡瀾先生寫的炒朱什和簽名。咁就即刻問老闆八卦吓呢間舖嘅由來😆😆呢間小店幫襯過嘅明星有成龍、洪金寶、曾志偉、譚詠麟、劉德華、羅嘉良、黃宗澤等。老闆40年前做總廚師嘅時候，咁啱成龍住喺附近，就搵咗佢嚟做1984年電影《快餐車》劇組嘅廚師，之後一年半都跟住成龍一齊去西班牙拍戲，之後曾志偉譚詠麟又搵佢一齊拍1987年《龍兄虎弟》。招牌嘅炒魚腩都係因為成龍唔太鍾意食魚骨，就咁蒸魚好多骨，就專登要嚟食粗菜館嘅炒魚腩，仲要特登打包，所以呢兩部戲嘅監製蔡瀾就對呢一間小店有咗好大嘅興趣。點解間舖叫做粗菜館呢？原來老闆覺得永遠阿媽炒嘅嘢係唔會食得厭，但係間鋪叫做阿媽炒又好似粗口，咁不如就叫做「粗菜館」啦。其他值得一試嘅小菜：💯「招牌炒豬雜」💯事前的準備功夫可以話是最多的一道菜😋✅ 內臟好少舖頭可以煮得咁好味，呢間用三種不同豬的內臟 🥓-大豬的豬肚 (180斤的豬）［豬肚夠厚 唔靭夠爽口］-中豬的豬膶（150斤的豬）［豬膶爽脆得嚟而入面夠嫩］-乳豬的豬腸 ［因為仲飲緊奶，所以唔會有臊味］✅一早汆水炆至腍軟，而部份是即叫即炒，做到爽口彈牙👍✅煎香的薑片將豬什的羶味減輕，再加入蔥段快炒，肉質變得爽脆入味😍✅好夠鑊氣🔥✅用特製的鹼魚醬炒到好香，相當惹味，仲可以買返屋企自己炒餸！健康之選💯「山楂醬排骨」💯✅炸排骨加上山楂醬，比起一般咕嚕肉/生炒骨更健康，天然食材無添加人工色素🤤💯「梅菜扣肉」💯✅梅菜很好味，撈飯一流，扣肉半肥半瘦，很正💯「蜜汁東波肉」💯✅排骨用東坡肉嘅煮法，一上枱，冇想像中肥膩，反而似鎖江骨，而且個排骨炆得夠騷軟夠淋💯「沙薑雞」💯✅新鮮又嫩口✅大碟抵食🤤#香港美食 #香港好去處 #香港旅行#香港打卡 #香港小店 #香港製造 #香港生活 #香港🇭🇰 #香港品牌 #香港店 #香港景點 #香港電影 #香港街拍 #香港美食指南 #香港美食推介 #香港美食日記 #香港美食地圖 #香港美食分享 #香港美食推薦 #香港美食攻略 #香港美食天堂 #香港美食探店 #香港美食家 #香港美食打卡 #香港美食🇭🇰 #香港美食多 #hkfoodie #hkfood #hkfoodie #hkfoodblog#hkfoodstagram
繼續閱讀
好耐冇食過炒小菜，今晚收工就相約好友，到九龍城的粗菜館聚餐，品嘗一下鑊氣十足的小菜！蓮藕豬骨老火湯，材料十足，蓮藕豬骨煲得夠晒火喉，湯有香濃號味道，養生暖胃，啱晒我哋呢啲冇湯水的人任，滋潤吓身體。薑蔥炒魚雲，魚雲先炸後炒，再加上薑蔥同椒鹽炒，香噴噴又有脆口感，魚雲內裡嫩滑，果然有鑊氣。XO醬鮮蝦帶子炒西蘭花，蝦球同帶子都鮮彈爽口，西蘭花炒得剛好，入口清脆，XO醬帶些辣令人開胃。南乳粗齋煲，材料豐富有蓮藕、豆腐、菜🥬、支竹、芹菜、冬菇同埋大量粉絲，南乳煮得香濃夠晒入味，很合我地胃口。食炒小菜總要有支藍妹啤酒🍻嘅。
繼續閱讀
今次去咗一間藏身喺九龍城嘅粵菜小館，呢間餐廳有蔡瀾推介，信心保證！點咗幾款招牌菜，真係有驚喜！首先係招牌炒魚腩，魚腩煎得香口，外層微脆，內裡仍然保持嫩滑，配埋蒜蓉同蔥段，成個味道好有層次感。至於椒鹽軟殼蟹，呢道菜真係贏晒！軟殼蟹炸到金黃香脆，椒鹽調味唔會太霸道，完美襯托蟹嘅鮮甜。每一啖都有濃濃嘅蒜香同胡椒香，食完真係停唔到口。接住嚟係大豆芽炒魚鬆，呢道菜睇落平平無奇，但入口先發現驚喜！魚鬆細膩，鹹香味啱啱好，配埋爽脆嘅大豆芽，好清新又有口感，成碟都俾人一種輕盈又滿足嘅感覺。老火例湯就係粵菜餐桌嘅靈魂，今次嘅湯煲得足火候，入口濃郁又唔油，幾乎每一啖都感受到食材嘅精華，令人暖晒心。最後當然唔少得豬油撈飯，簡單得嚟最能勾起回憶。淋上熱辣辣嘅豬油，再撈勻少少豉油，米飯粒粒分明又充滿香氣，呢個係童年嘅味道。
繼續閱讀
今天去了九龍城粗菜館，絕對可以食到非常香港的傳統菜式！鮑汁乳鴿：鮮美的乳鴿，搭配濃郁的鮑汁，肉質嫩滑，真心好吃！ 🕊️💖招牌炒豬什：用了三種不同部位的豬肉，從豬BB的大腸，不會有豬臊味，口感最好的壯年豬的豬肝 ，再到老豬厚實的豬肚，風味絕佳，口感層次豐富！ 梅菜扣肉：經典的五花肉搭配梅菜，慢火燉煮，肉質柔嫩，味道濃郁，是必點的美味！ 每一口都是懷舊的味道，難怪門外都拍滿了車，大家都是來朝聖的，來吃經典的香港味！
繼續閱讀
您可能會有興趣的...