The CHOYA Ginza BAR

營業中

休息中

一直以嚟就好鍾意飲CHOYA，嗰日滑一滑openrice就忽然間見到呢間新開嘅CHOYA專門店。今天就同朋友特登嚟試試啦！因為知道CHOYA系大牌，所以十分期待，當然佢哋亦都冇令我哋失望，成個體驗好舒服好滿足。首先我就揀咗佢哋嘅Ume Matcha Mojito，濃鬱嘅抹茶味帶少少ume嘅香味，然後再加上氣泡水嘅衝擊感，到最後成個口充滿薄荷嘅清涼，好有層次感。我朋友就揀Ume Matcha Milk嚟試試。我哋兩個一飲就對望點點頭， 表示好飲！成個嘅味道好夾，然後飲落去唔會覺得膩，抹茶同奶嘅比例拿捏到好好，然後Ume嘅味道令嗰味道更清爽，完全征服咗我哋。除咗飲品我哋仲叫咗日式炸雞同蒜香蘆筍嚟配酒飲，傾計飲酒就一定要有食物嘅~日式炸雞份靚睇都覺得抵，佢哋嘅炸雞炸到好脆，旁邊仲有附上醬汁，薯塊同埋沙拉，nice。