影片
更多
2024-05-01
12 瀏覽
好鐘意食牛舌，尤其係燒牛舌，食燒肉一定必點牛舌，但真係好食既牛舌真係好難搵，有時好靭又多筋到咬都咬唔開。見到尼間Gyutan Toku寫住牛舌專門店，點都要試下，係土瓜灣港鐵站B出口行過嚟5分鐘都唔使。諗住早啲食唔使等位，6點去到已經差唔多坐滿，應該係區內都頗有名氣。舖頭裝潢都好有日式氣氛，店員好有禮貌好醒目。我地嗌左2個定食（梗係牛舌喇） & 2個店長推介小食，唔使等好耐就已經有得食。定食有配迷你沙律菜、麵豉湯、茶碗蒸、漬物&白飯。🐮極上牛舌定食食一啖，直頭對眼係會擘大果重程度！下次食，我要嗌倍半分量！食得出成舊牛舌都係牛舌心位置，好厚身，口感好爽彈，完全食唔到筋。燒既時間係啱啱好，每舊牛舌中間仲有微微既粉紅色，加埋燒汁真係無得彈。忍唔住問師傅有咩秘訣，原來師傅將d 筋切斷同埋挑起，好花心機。堅，一試難忘。🐮柚子醬油漬牛舌定食尼款定食係新品，飯上面鋪滿晒牛舌，牛舌係薄身嘅，咬落去好軟腍，味道好好，而且尼個牛舌既份量，男士都一定滿意。用咗柚子醬配搭， 同埋有粒日本蛋蛋黃，超好撈飯，簡直係白飯神偷，唔覺意不停扒飯。🐔雞肉棒軟骨串（日本生蛋）呢個除左係店長推介，姊都推介俾你一定要食，真係未
舖頭裝潢都好有日式氣氛，店員好有禮貌好醒目。我地嗌左2個定食（梗係牛舌喇） & 2個店長推介小食，唔使等好耐就已經有得食。定食有配迷你沙律菜、麵豉湯、茶碗蒸、漬物&白飯。
🐮極上牛舌定食
食一啖，直頭對眼係會擘大果重程度！下次食，我要嗌倍半分量！食得出成舊牛舌都係牛舌心位置，好厚身，口感好爽彈，完全食唔到筋。燒既時間係啱啱好，每舊牛舌中間仲有微微既粉紅色，加埋燒汁真係無得彈。忍唔住問師傅有咩秘訣，原來師傅將d 筋切斷同埋挑起，好花心機。
堅，一試難忘。
🐮柚子醬油漬牛舌定食
尼款定食係新品，飯上面鋪滿晒牛舌，牛舌係薄身嘅，咬落去好軟腍，味道好好，而且尼個牛舌既份量，男士都一定滿意。用咗柚子醬配搭， 同埋有粒日本蛋蛋黃，超好撈飯，簡直係白飯神偷，唔覺意不停扒飯。
🐔雞肉棒軟骨串（日本生蛋）
呢個除左係店長推介，姊都推介俾你一定要食，真係未食過咁好食既雞軟骨棒，外面可以燒到脆脆，入面有切細咗嘅軟骨& 雞肉口感超加分。同你講，個燒醬汁都係畫龍點睛架。
🥛土佐豆腐
鐘意食豆腐既唔好錯過！雖然最後用汁煮，上枱果下外皮仍然keep 又脆又香，豆味好濃，個汁唔會遮左啲豆味，好味到不得了。熱辣辣趁熱食，不過心急的人吃不了熱豆腐唷！
一句，Gyutan Toku 真係稱得上「牛舌專門店」。
張貼
