我要烤魚 X 陀地燒

營業中

休息中

Item: 我要烤魚 X 陀地燒
Rating: 4
Author: alex kwokwt

I want fish

4.5

231 食評

味道

環境

服務

衛生

抵食

7148

銅鑼灣

$101-200

川菜 (四川) 海鮮燒烤串燒

222

alex kwokwt

等級4

201

銅鑼灣· 「魚」眾不同の烤魚我要烤魚📍銅鑼灣耀華街3號百樂中心8樓➰好歌推介「還有誰能想飛，還有誰能想不到，難認同葉的飄搖，不相信我的渺少。」.#想創 #陳柏宇➰朋友最近啱啱病完話口淡淡，想食D濃味野，今日就帶佢黎試依間烤魚店。.餐廳距離銅鑼灣站5分鐘，係時代中心後面一條街，地點方便。一出電梯就見到餐廳霓虹招牌，以石木裝修為設計主調，燈光開揚，似中日式結合嘅居酒屋格局，坐低之後店員都簡介一下餐廳特色及推薦咗D招牌必點菜式。➰飲品✥Gin Tonic 💲38 ⭐️4.1/5⭐️餐廳都有唔少飲品供應，生啤仲做緊買一送一優惠，但今晚我地都以飲Gin Tonic為主，入口清爽解膩，好適合今日配搭濃味嘅食物。➰小食·烤肉·燒物餐廳除左主打烤魚之外，仲有好多款式嘅小食甚至烤肉都有供應，而且樣樣都好有特色，照顧哂鐘意唔同口味嘅朋友。.𖥕爆蒜燒蠔(4隻) 💲68 ⭐️4/5⭐️燒蠔以木板上枱，新鮮熱辣，鋪滿蒜蓉飄香陣陣蒜香，惹味十足。.𖥕老友鬼鬼 💲32 ⭐️4.1/5⭐️將墨魚滑釀入油炸鬼內，造成外面酥脆入面彈牙嘅口感，再配上黑松露醬，更加滋味。.𖥕免治雞肉軟骨棒 💲28 ⭐️4.2/5⭐️擺盤精緻，鮮艷月見蛋汁

3 瀏覽

0 讚好

0 留言

➰飲品
✥Gin Tonic 💲38 ⭐️4.1/5⭐️
餐廳都有唔少飲品供應，生啤仲做緊買一送一優惠，但今晚我地都以飲Gin Tonic為主，入口清爽解膩，好適合今日配搭濃味嘅食物。

➰小食·烤肉·燒物
餐廳除左主打烤魚之外，仲有好多款式嘅小食甚至烤肉都有供應，而且樣樣都好有特色，照顧哂鐘意唔同口味嘅朋友。
.
𖥕爆蒜燒蠔(4隻) 💲68 ⭐️4/5⭐️
燒蠔以木板上枱，新鮮熱辣，鋪滿蒜蓉飄香陣陣蒜香，惹味十足。

.
𖥕老友鬼鬼 💲32 ⭐️4.1/5⭐️
將墨魚滑釀入油炸鬼內，造成外面酥脆入面彈牙嘅口感，再配上黑松露醬，更加滋味。

.
𖥕免治雞肉軟骨棒 💲28 ⭐️4.2/5⭐️
擺盤精緻，鮮艷月見蛋汁令人食指大動，立即將免治雞肉棒撈勻蛋汁，令色澤更加亮麗，入口仲有軟骨增加口感層次，推薦。

.
𖥕招牌雞腿肉(2串) 💲38 ⭐️4.2/5⭐️
𖥕新疆羊肉串 💲28 ⭐️4.1/5⭐️
𖥕厚切牛舌芯 💲28 ⭐️4.1/5⭐️
餐廳仲有串燒供應，味道亦毫不馬虎，雞腿肉燒至焦香，非常吸引，入口啖啖肉，調味亦非常夠，推介。仲有孜然味十足嘅羊肉串亦好唔錯，當然少不免筆者最愛嘅厚燒牛舌芯，同樣軟稔中帶咬口，惹味之選。

➰烤魚&配料
❀川式孜然烤魚(小) 💲288 ⭐️4.2/5⭐️
❀追加四款湯底配菜 💲38 ⭐️4/5⭐️
烤魚方面主要有3個步驟，先係揀咗魚，有鱸魚同清江魚可以選擇，我地就揀左口感嫩香，油花感較重嘅清江魚，再黎就係揀湯底，由於朋友啱啱病好，不宜食太辣，就揀左川式孜然烤魚，最後就揀份量大小，我地2個人當然要份細嘅就足夠。
.
烤魚上枱陣陣孜然飄香，湯底鮮艷但取其椒麻香，並唔辣，都適合唔食辣嘅朋友，烤魚份量非常多，我地兩個人食到尾仲係食到非常多魚肉，性價比十分高，再加上追加嘅湯底配菜有土豆﹑蓮藕﹑豆腐﹑豆芽都係非常索湯汁嘅配料，全部都好惹味。

.
❀手切鮮封門牛柳 💲88 ⭐️4.2/5⭐️
❀牛舌片 💲48 ⭐️4.2/5⭐️
除左食魚之外，仲有好多配料可以揀，封門柳一整碟份量非常多，性價比好高，牛味濃郁有咬口，非常推薦，另外牛舌片亦十分爽嫩，同樣推介。

.
❀玫瑰露鵝腸 💲48 ⭐️4.1/5⭐️
市面上唔算常見嘅鵝腸都有供應，而且仲用玫瑰露醃制，增添香氣，稍稍灼熟即可入口，非常爽彈肥美。

❀墨魚滑玉子燒 💲32 ⭐️4.1/5⭐️
餐廳好有創意地將墨魚滑釀入玉子燒中，再加上玉子燒索哂湯汁精華，值得一試。

❀功夫萵筍片💲28 ⭐️4.1/5⭐️
❀綠油油拼盤💲68 ⭐️4.1/5⭐️
少不得都要點下蔬菜平衝下，依份萵筍片擺盤砌成花形，賞心悅目，質感爽口，幾推介，而綠油油拼盤份量豐富，樣樣都有，適合選擇困難症嘅朋友。