影片
更多
2023-10-07
23 瀏覽
Weekend同個friend 出銅鑼灣食lunch！今次去食日本菜～我哋搵到一間好正好高質的日式居酒屋，裝修好有日式風情😍仲有落地大玻璃窗，好光猛好開揚。會揀呢間餐廳係因為呢間餐廳的menu有好多燒海鮮，睇落好吸引。我哋兩個點咗好多燒海鮮，好開心食物夠高質，無令人失望🥰前菜係鯷魚醬+蔬菜($34)，鯷魚醬有跟埋蠟燭仔，一路heat住。鯷魚醬就咁食會好鹹，但配埋蔬菜就啱啱好，蔬菜反襯返鯷魚醬的鹹香味，好開胃。白色個條一開始以為係白蘿蔔，但原來係雪梨，配鯷魚醬意外地有驚喜，鹹鹹甜甜好好食。鹽燒三文魚鮫 $168我最鍾意食三文魚鮫🥰好欣賞佢燒得有少少燶燶哋，個d位食落脆脆哋好好食，魚皮都好好食😋三文魚鮫加檸檬汁，帶起咗三文魚的鮮味，配埋蘿蔔蓉鼓油，味道更豐富更有層次，呢碟魚好得我歡心。活日本文蛤蜆 浜燒(兩隻） $196文蛤蜆好大隻好飽滿，口感又爽又脆，食到好濃郁的貝類鮮味，我甚至覺得咬落去個下d味道係爆出嚟，好有驚喜。活鮑魚 浜燒 $98鮑魚口感爽滑彈牙，鮮味十足，配埋柚子胡椒鹽，味道好有層次。刺身盛合（六款） $548（吞拿魚，吞拿魚腩，牡丹蝦，帶子，油甘魚，三文魚）成碟刺身的擺碟太精
Weekend同個friend 出銅鑼灣食lunch！今次去食日本菜～
我哋搵到一間好正好高質的日式居酒屋，裝修好有日式風情😍仲有落地大玻璃窗，好光猛好開揚。
會揀呢間餐廳係因為呢間餐廳的menu有好多燒海鮮，睇落好吸引。我哋兩個點咗好多燒海鮮，好開心食物夠高質，無令人失望🥰
前菜係鯷魚醬+蔬菜($34)，鯷魚醬有跟埋蠟燭仔，一路heat住。鯷魚醬就咁食會好鹹，但配埋蔬菜就啱啱好，蔬菜反襯返鯷魚醬的鹹香味，好開胃。白色個條一開始以為係白蘿蔔，但原來係雪梨，配鯷魚醬意外地有驚喜，鹹鹹甜甜好好食。
鹽燒三文魚鮫 $168
我最鍾意食三文魚鮫🥰好欣賞佢燒得有少少燶燶哋，個d位食落脆脆哋好好食，魚皮都好好食😋三文魚鮫加檸檬汁，帶起咗三文魚的鮮味，配埋蘿蔔蓉鼓油，味道更豐富更有層次，呢碟魚好得我歡心。
活日本文蛤蜆 浜燒(兩隻） $196
文蛤蜆好大隻好飽滿，口感又爽又脆，食到好濃郁的貝類鮮味，我甚至覺得咬落去個下d味道係爆出嚟，好有驚喜。
活鮑魚 浜燒 $98
鮑魚口感爽滑彈牙，鮮味十足，配埋柚子胡椒鹽，味道好有層次。
刺身盛合（六款） $548
（吞拿魚，吞拿魚腩，牡丹蝦，帶子，油甘魚，三文魚）
成碟刺身的擺碟太精緻啦！真係打卡必備！一上枱就喪影相，
三文魚同油甘魚都勁厚身好肥美，味道好鮮甜😍吞拿魚腩味道鮮甜細膩，吞拿魚味道濃郁，牡丹蝦同帶子香滑彈牙。呢幾款刺身都好高質好新鮮。
蝦頭仲可以熬湯，職員收走蝦頭，一陣之後我哋就得到兩碗湯😆一碗白蜆湯($52)，一碗白魚湯($52)。蜆湯比較鹹，但好足料，裡面的蜆好鮮好好食。魚湯奶白色好漂亮，魚味濃郁，好鮮甜，勁好飲。
活北寄貝 浜燒 $208
湯飲落好鮮甜，少少鹹好惹味。北寄貝好彈牙好爽口，好有海鮮的鮮味，配埋海帶食落好有口感。
活帆立貝 浜燒（黑松露牛油口味）$138
黑松露味真係好香，聞到就已經食指大動😍貝身咬落好柔軟，仲好入味，黑松露同牛油味都好濃郁，非常好食。帆立貝裙邊好爽口，好有口感。
磯野水產 (銅鑼灣)
銅鑼灣軒尼詩道525號澳門逸園中心19樓
*上述文章只供參考及以當時價格為準
張貼
