影片
更多
2023-07-14
45 瀏覽
雞胸青木瓜沙律佢有3款醬汁比你揀，分別有柚子，蒜香蕃茄同wasabi 汁做底，入口好新鮮，比人一種好fresh 既開胃feel。我就揀咗Wasabi汁，估唔到唔係配沙律醬都可以咁好食，原來我本身唔食青瓜到唔該讚好。聖子炒雜菇聖子味道一般，不過佢夾埋啲伴菜一齊食，成碟都好爽口。鰤魚配紀州柚子醬呢個出奇意料好食，切開塊魚完全唔會散，師傅煎香咗魚皮，令到魚油嘅味道好出，都食到魚既鮮甜，同喱隻魚肉質厚實，又唔會柴皮咁。南非鮑魚配海苔醬佢個鮑魚一開始食個味比較淡，之後個鹹味就開始出返黎，個鮑魚入口唔會太韌，配埋魚籽味道好夾。配埋海苔醬食，會覺得好似有層cream包住咗鮑魚咁樣，可以食到有兩種口感。澳洲龍蝦配海膽龍蝦膏醬首先要讚讚佢個海膽龍蝦膏醬，佢個味道好濃郁，加埋落個龍蝦都好有鮮味。成件事加埋又唔會好咸，加埋有個大啡菇，給埋啲汁嘅精華令到本身個大啡菇升值不少！但係好可惜今日個龍蝦唔係太新鮮，啲肉就差咗少少。煙燻西班牙伊比利亞厚切豬一打開就好大陣煙燻味，好香。個厚切豬比想像中有啲乾，佢有4種食法，可以加鹽，加蒜片，加wasabi，同有個田樂醬。可以細細舊再mix，配啲新口味。熊本縣A5和王牛呢個
佢有3款醬汁比你揀，分別有柚子，蒜香蕃茄同wasabi 汁做底，入口好新鮮，比人一種好fresh 既開胃feel。我就揀咗Wasabi汁，估唔到唔係配沙律醬都可以咁好食，原來我本身唔食青瓜到唔該讚好。
聖子炒雜菇
聖子味道一般，不過佢夾埋啲伴菜一齊食，成碟都好爽口。
鰤魚配紀州柚子醬
呢個出奇意料好食，切開塊魚完全唔會散，師傅煎香咗魚皮，令到魚油嘅味道好出，都食到魚既鮮甜，同喱隻魚肉質厚實，又唔會柴皮咁。
南非鮑魚配海苔醬
佢個鮑魚一開始食個味比較淡，之後個鹹味就開始出返黎，個鮑魚入口唔會太韌，配埋魚籽味道好夾。配埋海苔醬食，會覺得好似有層cream包住咗鮑魚咁樣，可以食到有兩種口感。
澳洲龍蝦配海膽龍蝦膏醬
首先要讚讚佢個海膽龍蝦膏醬，佢個味道好濃郁，加埋落個龍蝦都好有鮮味。成件事加埋又唔會好咸，加埋有個大啡菇，給埋啲汁嘅精華令到本身個大啡菇升值不少！但係好可惜今日個龍蝦唔係太新鮮，啲肉就差咗少少。
煙燻西班牙伊比利亞厚切豬
一打開就好大陣煙燻味，好香。個厚切豬比想像中有啲乾，佢有4種食法，可以加鹽，加蒜片，加wasabi，同有個田樂醬。可以細細舊再mix，配啲新口味。
熊本縣A5和王牛
呢個和牛都有用煙燻，呢份牛入口即溶，完全唔靭，牛味都幾重。我個人就配返加鹽同埋薯片，吊返本身個牛嘅味。
清酒煮蜆湯
佢用鮮魚湯整，仲有大大隻蜆，加埋啲海帶同菇。成個湯同蜆都好好鮮甜同埋有清下口既感覺。
海膽烏魚子炒飯
呢個炒飯睇佢炒就都幾好，不過啲飯炒得比較硬，整體嚟講都乾身，不過真係有啲乾同硬，差在喱度少少。
環境
間鋪唔係太大，最多容納18個人，但勝在唔會太多人太嘈吵。可以俾人搞啲小型party，飲下酒傾吓偈。不過要分兩枱坐。整體員工都服務得周到，鐵板燒師傅又會喺上一碟菜之後做少少講解。佢哋而家做緊全單七折，如果有喜慶或者大節日，我都應該會再幫襯第二次。
張貼
