影片
更多
2024-07-04
123 瀏覽
偶爾對自己好啲食豪少少，終於試咗開業冇耐但已經極具人氣嘅靚靚打卡fine dining餐廳Bochord. 呢間位處世貿中心嘅餐廳以復古歐陸式圖書館裝潢極具品味，餐廳名在古典英語意思就係library，用餐環境優雅高尚令人恍如置身中世紀，而且仲享有無敵維港景致，實在令人驚艷. 為咗去瘋狂打卡又唔怕尷尬，我哋喺餐廳一開門就去到啦🤣. 今次試咗四道菜行政午餐承為$458一位. 前菜四選一，餐湯有兩款，主食六選二，加埋個是日甜品.不得不讚前菜擺盤賣相極精緻，而且菜式設計夠特別有心思. 當然味道都係非常出色，畢竟主㕑曾經喺半島酒店做廚師逾十年尤其擅長歐陸菜，質素絕對有保證. 餐飲每個位都做到一絲不苟，甚至cocktail Menu設計好有心思，以梵高名畫做主題，都好值得欣賞. Fine dining 餐前麵包已經好講究. 除咗橄欖油同黑醋，坐低侍應已經端上新鮮酸種麵包仲有花花造型嘅海鹽牛油同埋羅勒蕃茄乾牛油. ⭐️日本海膽蟹肉配墨魚汁豆腐 造型立體精緻已經帶來很好視覺享受. 入口富有層次，不同toppings有三文魚籽、海膽、蟹油蛋黃醬為味蕾帶來不同刺激. 豆腐好特別由墨魚汁同昆布本身已帶天然調
今次試咗四道菜行政午餐承為$458一位. 前菜四選一，餐湯有兩款，主食六選二，加埋個是日甜品.不得不讚前菜擺盤賣相極精緻，而且菜式設計夠特別有心思. 當然味道都係非常出色，畢竟主㕑曾經喺半島酒店做廚師逾十年尤其擅長歐陸菜，質素絕對有保證. 餐飲每個位都做到一絲不苟，甚至cocktail Menu設計好有心思，以梵高名畫做主題，都好值得欣賞.
Fine dining 餐前麵包已經好講究. 除咗橄欖油同黑醋，坐低侍應已經端上新鮮酸種麵包仲有花花造型嘅海鹽牛油同埋羅勒蕃茄乾牛油.
⭐️日本海膽蟹肉配墨魚汁豆腐
造型立體精緻已經帶來很好視覺享受. 入口富有層次，不同toppings有三文魚籽、海膽、蟹油蛋黃醬為味蕾帶來不同刺激. 豆腐好特別由墨魚汁同昆布本身已帶天然調味，有質感得來又好滑溜.
⭐️蘇格蘭煙三文魚配魷魚卷
低溫慢煮魷魚意想不到好嫩滑，內裏包裹住煙三文魚，沾上墨西哥青椒香草醬汁，好清新開胃，配搭流心蛋好夾.
⭐️龍蝦法式濃湯
酥皮脹卜卜脆卜卜，入面龍蝦湯熱辣辣飲落味道濃郁，仲有滿滿龍蝦肉好豐富，配埋個鮮忌廉口感更棉滑.
⭐️鷹嘴豆法式濃湯
以雞湯做基調，混入鷹嘴豆泥、茴香、黑蒜蕃茄乾等，口感豐富.
⭐️紅木炭燒西班牙八爪魚腳
主角烤八爪魚爽口彈牙帶有幽幽木炭香味. 配料有辣鷹嘴豆蓉、醃甜椒、西班牙辣肉腸、捲葉羽衣甘藍. 配搭好有驚喜.
⭐️蟹肉意大利麵
加拿大鱈蟹肉雪白甜美細膩而且份量足料，配上意大利雞蛋黃仲有巴馬火腿更提升味道精華，全人手自家製意粉蛋味香濃咬落有質感同醬汁融為一體.
⭐️芒果熱情果慕絲蛋糕
酸酸甜甜帶着清新果香味，慕絲蛋糕入口溶化，為豐富午餐完美作結.
整體美景美食服務貼心，性價比好高，用餐體驗好好. 餐廳每晚有駐埸live band, 加埋個夜景，真係慶祝紀念日大日子嘅不二之選.
張貼
